განათლება,მთავარი,რეკლამა,სიახლეები

რა ამბებია ლალი ანთიძის საკვირაო სკოლაში

15.10.2019 • 4025
რა ამბებია ლალი ანთიძის საკვირაო სკოლაში

ბავშვობაში, ალბათ, ყველას გვიოცნებია უღიმღამო საკლასო ოთახის ნაცვლად სადმე, ჯადოსნურ გარემოში აღმოვჩენილიყავით, სადაც ბევრი საინტერესო ნივთია და სწავლაც სახალისოა.

ზღაპრებსა და მულტფილმებში რომ არიან, კეთილი, ყველაფრისმცოდნე ჯადოქრები, თავიანთი პატარა, საინტერესო სახლებით, ასეთი ქალია ბსუ-ს ასოცირებული პროფესორი ლალი ანთიძე. საკვირაო სკოლაში ვიყავით მასთან და სამყაროში მიმდინარე ათას პროცესზე გავიგეთ ამბები.

არავერბალური კომუნიკაციის გასაუმჯობესებელი აქტივობა

ლალი ანთიძე ფილოსოფიის დოქტორია ბათუმის სახელმწიფო უნივერსიტეტში.

“ჩემი მეგობრები მეუბნებიან, თვალები გიბრწყინავსო. მართლაც ასეა, რაც ამ სკოლის გახსნაზე დავიწყე ფიქრი. განცდა მაქვს, რომ ყველაზე უფრო კრეატიული და ღირებული ეტაპი დადგა ჩემს ცხოვრებაში,” – ამბობს ლალი.

საკვირაო სკოლა, როგორც ლალი ამბობს, დღევანდელ განათლების სისტემის დამხმარედ და მეგობრად შექმნა, ასევე სურს, რომ ბავშვები დადებითად განეწყონ სწავლისადმი და მიიღონ სიამოვნება შემეცნების პროცესისგან:

“ევროპის ქვეყნების პირველი პრობლემა ისაა, რომ მეცნიერება იმდენად სწრაფად ვითარდება, რომ აღმოჩენებისა და კვლევების სასწავლებლად ადაპტაცია ვერ ესწრება. სანამ სასწავლო მასალა წიგნად იკვრება და სკოლამდე მიდის, სამეცნიერო ფონი იცვლება. ჩვენთან უფრო რთულადაა საქმე, ჯერ კიდევ გასული საუკუნის მასალებით გვიწევს თანამედროვე თაობების ინფორმირება.”

საკვირაო სკოლის სპეციფიკა არ მიყვება ზოგადი სკოლის პროგრამას, თუმცა აქ მოსულ ბავშვებს შემდგომში უმარტივდებათ სკოლის სასწავლო მასალის ათვისება და ინფორმაციის სწორად და მარტივად მოძიება. აქ სწავლა არაფორმალური განათლების მეთოდებით მიმდინარეობს, რომელიც ლალი ანთიძის და მისი სტუდენტების გამოცდილებასა და ცოდნაზე დგას და მიმართულია როგორც შემეცნებითი უნარების, ისე პიროვნული და ფსიქოლოგიური შესაძლებლობების განვითარებისკენ.

მაინც რა ხდება ლალი ანთიძის საკვირაო სკოლაში?

ამჟამად საკვირაო სკოლას სამი მიმართულება აქვს:

საკვირაო სკოლის პროგრამა 12 წლიდან – ნიშნავს, რომ ბავშვებს შეუძლიათ ყოველ შაბათ-კვირას 3-3 საათი გაატარონ საკვირაო სკოლაში, სადაც: ითამაშებენ შემეცნებით თამაშებს, გაიღრმავებენ ცოდნასა და უნარებს მათემატიკურ ლოგიკაში, კრიტიკული აზროვნების განვითარების ისტორიაში, თანამედროვე ბუნებისმეტყველების კონცეფციებში,  ხელოვნებაში, ასევე, შეასრულებენ კვლევით პროექტებს, ჩაატარებენ სახალისო ექსპერიმენტებს.

სკოლა მოამარაგებს მათ სამუშაო მასალებით.

ამ სერვისის ფასი ერთი თვის განმავლობაში 200 ლარია.

ერთჯერადი გაკვეთილები – ეს მიმართულება გულისხმობს იმას, რომ თუ, მაგალითად, მოსწავლემ რიგი მიზეზების გამო გააცდინა სკოლა, მაგალითად, ავად გახდა, მოუწია სხვაგან წასვლა ან ღონისძიებებში მონაწილეობა და ამის გამო სასწავლო მასალა ვერ აითვისა, საშუალება ექნება ერთჯერად, წინასწარი შეთანხმებით, მოვიდეს საკვირაო სკოლაში, სადაც გულდასმით აუხსნიან სწორედ იმ კონკრეტულ თემას, რომელიც გამოტოვა.

“ხშირად ისე ხდება, რომ როცა ბავშვი ერთ კონკრეტულ მასალას ვერ ითვისებს, დომინოს ეფექტით, ეს მომდევნო სასწავლო პროცესზე უარყოფითად აისახება. ასე რომ, მნიშვნელოვანია, კონკრეტული პრობლემის დროული იდენტიფიცირება. ამ შემთხვევაში ჩვენ ვთავაზობთ მოსწავლეს სწრაფად და იაფად მიიღოს სასურველი ცოდნა და დაეწიოს სასწავლო პროგრამას. ”

ეს სერვისი ლალი ანთიძის საკვირაო სკოლაში 20 ლარი ღირს.

მასწავლებელთა ტრენინგ-კურსები – ის მეთოდები, რომლებიც საკვირაო სკოლაში გამოიყენება, არის მრავალი სასწავლო თეორიის ჯამი, რომელსაც დამატებული აქვს ლალი ანთიძის საკვირაო სკოლის გუნდის პირადი გამოცდილება. როგორც თავად ლალი ამბობს, მისი თვითმიზანი არის ქვეყანაში განათლების ხარისხის გაუმჯობესება, ასე, რომ მზადაა ეს გამოცდილება და თეორია სხვა მასწავლებლებს გაუზიაროს, რათა მათაც დანერგონ თავიანთ სასწავლო პროცესში სწავლის თანამედროვე და სახალისო მეთოდები.

 

ერთ-ერთი თამაში, რომელიც საკვირაო სკოლის გუნდის წევრებმა მოამზადეს

საკვირაო სკოლაში ყველა მოსწავლე აქტივობებში მაქსიმალურადაა ჩართული.

ბოლოს ყველანი ერთად აჯამებენ სასწავლო დღეს. პროგრამა იმდენად მრავალფეროვანია, რომ მოსწავლეებს უჭირთ ფავორიტი აქტივობის გამოყოფა. წინა შაბათს, მაგალითად, მოდერნიზებული ინტელექტუალური სამაგიდო თამაშები ითამაშეს, გაარჩიეს დედამიწის აგებულება, ჩაატარეს ექსპერიმენტი, სადაც ნაჩვენები იყო ვულკანის ამოფრქვევის მინიმოდელი, გააკეთეს ონლაინქვიზი, გაივარჯიშეს არასიტყვიერი კომუნიკაციის საშუალებებში, გამოიცნეს ანალოგიები და კიდევ რა აღარ მოასწრეს ამ სამ საათში.

ლალი ანთიძე საკვირაო სკოლის მოსწავლეებთან ერთად

თუ გსურთ თქვენი შვილი, ოჯახის წევრი ბავშვობიდანვე კარგად იყოს გარკვეული ამ სამყაროს კანონზომიერებაში, ჰქონდეს ზოგადი უნარები რომ დამოუკიდებლად შეიცნოს საკუთარი თავი და მიმართებები გარესამყაროსთან, მოიძიოს სასურველი ინფორმაცია, ჰქონდეს ჯანსაღი თვითშეფასება, ღირებულებითი სისტემები, სოციალური უნარები და სხვა მრავალი რამ, ლალი ანთიძის საკვირაო სკოლაში უნდა მიიყვანოთ, ჯადოსნურ ადგილას, სადაც სიხარულით გაეცნობა კაცობრიობაში აქამდე დაგროვებული ცოდნის კაშკაშა მომენტებს.

დამატებითი დეტალებისთვის შეგიძლიათ დარეკოთ ნომერზე: 599 23 06 09

მისამართი: ქ.ბათუმი, 26 მაისის 30

გადაბეჭდვის წესი


ასევე: