მთავარი,სიახლეები

60 წლის ქედელი მეხანძრე-მაშველი სამსახურიდან აპლოდისმენტებით გააცილეს

13.10.2019 • 2990
60 წლის ქედელი მეხანძრე-მაშველი სამსახურიდან აპლოდისმენტებით გააცილეს

60 წლის მეხანძრე-მაშველი იბრაიმ დიასამიძე, რომელიც საგანგებო სიტუაციების მართვის სამსახურში, ქედაში, წლებია მუშაობდა, მეხანძრე-მაშველებმა სამსახურიდან გააცილეს.

იბრაიმ დიასამიძეს წლების განმავლობაში გაწეული ერთგული სამსახურისთვის საგანგებო სიტუაციების მართვის სამსახურისგან სამახსოვრო საჩუქრები გადაეცა.

საგანგებო სიტუაციების მართვის სამსახურის ცნობით, იბრაიმ დიასამიძე წლების განმავლობაში ქედის რაიონის უსაფრთხოებაზე შვილთან ერთად ზრუნავდა. საგანგებო სიტუაციების მართვის სამსახურში რჩება იბრაიმის ვაჟი, მანუჩარ დიასამიძე.

იბრაიმ დიასამიძე. ფოტო: საგანგებო სიტუაციების მართვის სამსახური

იბრაიმ დიასამიძის გაცილების ღონისძიებას შინაგან საქმეთა მინისტრის მოადგილე იოსებ ჭელიძე და საგანგებო სიტუაციების მართვის სამსახურის უფროსი თემურ მღებრიშვილი დაესწრნენ.

 

გადაბეჭდვის წესი


ასევე: