Batumelebi | შსს: ამოღებულია 60 შეკვრა მეტადონი, სასჯელი 8-20 წლამდე ან უვადო პატიმრობას ითვალისწინებს შსს: ამოღებულია 60 შეკვრა მეტადონი, სასჯელი 8-20 წლამდე ან უვადო პატიმრობას ითვალისწინებს – Batumelebi
RU | GE  

შსს: ამოღებულია 60 შეკვრა მეტადონი, სასჯელი 8-20 წლამდე ან უვადო პატიმრობას ითვალისწინებს

შინაგან საქმეთა სამინისტროს ცნობით, განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და საქართველოში უკანონოდ შემოტანის ფაქტზე, დააკავეს უცხო ქვეყნის მოქალაქე – 1968 წელს დაბადებული ი.ო.

შს სამინსიტროს ცნობით, ბრალდებული თბილისის საერთაშორისო აეროპორტში, განსაკუთრებით დიდი ოდენობით ნარკოტიკების საქართველოში უკანონოდ შემოტანის ფაქტზე დააკავეს. პოლიციის ინფორმაციით, პირადი ჩხრეკისას, 60 შეკვრად დაფასოებული ნარკოტიკული საშუალება „მეტადონი“ ნივთმტკიცებადაა ამორებული.

გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და საქართველოში უკანონოდ შემოტანის ფაქტებზე, საქართველოს სისხლის სამართლის კოდექსის 260-ე მუხლის მე-6 ნაწილის „ა“ ქვეპუნქტით და 262-ე მუხლის მე-4 ნაწილის „ა“ ქვეპუნქტით მიმდინარეობს. დანაშაული 8-დან 20 წლამდე ან უვადო თავისუფლების აღკვეთას ითვალისწინებს.

___________

ფოტო: შსს

 

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.