Batumelebi | ჯანდაცვის სამინისტროს მედიასთან ურთიერთობის სამსახურში 73 ადამიანი მუშაობს – „გამჭვირვალობა“ ჯანდაცვის სამინისტროს მედიასთან ურთიერთობის სამსახურში 73 ადამიანი მუშაობს – „გამჭვირვალობა“ – Batumelebi
RU | GE  

ჯანდაცვის სამინისტროს მედიასთან ურთიერთობის სამსახურში 73 ადამიანი მუშაობს – „გამჭვირვალობა“

„საერთაშორისო გამჭვირვალობა – საქართველოს“ ცნობით, საჯარო უწყებებში საზოგადოებასთან ურთიერთობის სამსახურებში დასაქმებული ადამიანების რაოდენობა და მათი ანაზღაურებისთვის დახარჯული თანხა ყოველწლიურად იზრდება.

საჯარო უწყებების საზოგადოებასთან/მედიასთან ურთიერთობის დეპარტამენტში დასაქმებულთა საერთო რაოდენობა 2018 წელს, 2017 წელთან შედარებით, დაახლოებით, 4%-ით არის გაზრდილი. 2017 წელს 194 უწყების პიარსამსახურში დასაქმებული იყო 996 თანამშრომელი, ხოლო 2018 წელს  – 1037.

ყველაზე მრავალრიცხოვანი, 73 თანამშრომელი მედიასთან/საზოგადოებასთან ურთიერთობის სამსახურში საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროშია დასაქმებული.

მეორე ადგილზეა თავდაცვის სამინისტრო, სადაც საზოგადოებასთან ურთიერთობის სამსახურში 51 ადამიანი მუშაობს.

ჩამონათვალში მესამე ადგილს იკავებს საქართველოს განათლების სამინისტრო, სადაც 49 ადამიანია დასაქმებული მედიასთან და საზოგადოებასთან ურთიერთობის სამსახურში. 

transparency.ge

პიარის თანამშრომელთა ანაზღაურებაში ყველაზე მეტ თანხას საქართველოს თავდაცვის სამინისტრო ხარჯავს, მას ცოტათი ჩამორჩება საქართველოს პარლამენტი და შინაგან საქმეთა სამინისტრო.

transparency.ge

„საერთაშორისო გამჭვირვალობა – საქართველოს“ ინფორმაციით, 194 უწყებიდან მიღებული ახალი ინფორმაციის დამუშავების შედეგად აღმოჩნდა, რომ 2018 წელს, 2017 წელთან შედარებით, საბიუჯეტო უწყებების პრესსამსახურში დასაქმებული ადამიანების ანაზღაურება 1.9 მლნ ლარით არის გაზრდილი. გაიზარდა თანამშრომლების რაოდენობაც.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com