ბათუმში, ლუკა ასათიანისა და მემედ აბაშიძის ქუჩების კვეთაში არსებულმა კაფეებმა – “შუა ქალაქი” და “სოი კუბა”, ტროტუარზე განთავსებული მაგიდებითა და მცენარეებით, სრულად აითვისეს ტროტუარი და ფეხით მოსიარულეებისთვის მხოლოდ ველობილიკი დატოვეს. ბათუმის მუნიციპალური სერვისების სააგენტოს ინფორმაციით, დღეს ორივე ობიექტის მფლობელი გააფრთხილეს, რომ მაგიდები და სხვა ინვენტარი გადაალაგონ ისე, როგორც ეს მათ ნებართვაშია გათვალისწინებული.
სტანდარტის მიხედვით, ტროტუარზე ფეხით მოსიარულეებისთვის სავალი ნაწილი მინიმუმ 80 და მაქსიმუმ 150 სანტიმეტრი უნდა იყოს.
გაფრთხილების შემდეგ, ამ სტანდარტის დარღვევისთვის იურიდიული პირები პირველ ჯერზე 2000 ლარით ჯარიმდებიან, განმეორების შემთხვევაში კი – 4000 ლარით.
“სოი კუბას” მაგიდები ტროტუარზე
კაფე “შუა ქალაქი”
