დღეიდან საქართველოს ქალაქებსა და რეგიონებში მდებარე „თიბისი ბანკის“ ყველა ფილიალის თანამშრომლები მომხმარებელს საქართველოს რაგბის ეროვნული ნაკრების საგულშემატკივრო მაისურებით მოემსახურებიან.
ეს რაგბის მსოფლიო ჩემპიონატთან დაკავშირებული მორიგი კამპანიაა, რომელიც „თიბისი ბანკმა“ ბორჯღალოსნების მხარდასაჭერად დაიწყო.
თიბისი ბანკის ფილიალებში ბორჯღალოსნების მხარდასაჭერი მაისურების კამპანია რაგბის მსოფლიო ჩემპიონატზე საქართველოს ეროვნული ნაკრების თამაშის პირველ დღეს, 23 სექტემბერს, იწყება – დღეს იაპონიაში გამართულ ჩემპიონატზე საქართველოსა და უელსის ნაკრები გუნდები ხვდება ერთმანეთს. 29 სექტემბერს საქართველო-ურუგვაის შეხვედრაა დაგეგმილი, 3 ოქტომბერს – ბორჯღალოსნები ფიჯის ნაკრებს ეთამაშებიან, 11 ოქტომბერს კი საქართველო-ავსტრალია ითამაშებს. მაისურების კამპანია ბორჯღალოსნების მხარდასაჭერად „თიბისი ბანკის“ საქართველოს ყველა ფილიალში სწორედ თამაშის დღეებში გაიმართება.
ბორჯღალოსნების საგულშემატკივრო მაისურებით მომსახურება ერთადერთი წამოწყება არ არის, რასაც „თიბისი ბანკი“ რაგბის მსოფლიო თასზე ეროვნული ნაკრების მხარდასაჭერად ახორციელებს. უკვე ერთ თვეზე მეტია, რაც ასევე „თიბისის“ ინიციატივით თბილისის ქუჩებსა და გაჩერებებზე ქართველი მორაგბეებისა და რაგბის კავშირის გუნდის წევრების პორტრეტებია განთავსებული.
„თიბისი ბანკის“ ბრენდისა და კრეატიული პროექტების ხელმძღვანელის, კოკა ქამუშაძის თქმით, დაახლოებით ერთი თვის წინ პირველ ეტაპზე თბილისსა და საქართველოს დიდ ქალაქებში ავტობუსის თითქმის 70 გაჩერების შეფუთვა მთლიანად მიეძღვნა ქართველ ბორჯღალოსნებს, მათ პორტრეტებს. კამპანიის მიზანი იყო გულშემატკივრისთვის ცნობილი ყოფილიყო არამხოლოდ ნაკრების მოთამაშეების, არამედ სამწვრთნელო შტაბის, დაცვის წევრების, ყველა იმ ადამიანის შესახებ, რომლებსაც ბორჯღალოსნების წარმატებაში საკუთარი წვლილი შეაქვთ.
„გადავწყვიტეთ ბანკის ფილიალებში, სადაც ყოველდღიურად ათასობით ადამიანი მიდის, შეგვექმნა სადღესასწაულო, საგულშემატკივრო განწყობა და ამიტომაც ჩავაცვით თანამშრომლებს ბორჯღალოსნების მაისურები. თიბისის ფილიალებში განთავსებულია ასევე დიდი მონიტორები, სადაც თიბისელებს საშუალება ეძლევათ, რაგბის ჩემპიონატის იმ შეხვედრებს უყურონ, რომლებიც სამუშაო საათებში იმართება.
თიბისისა და მასტერქარდის ერთობლივი ინიციატივით 31 აგვისტოს საქართველო-შოტლანდიის თამაშის დროს გათამაშდა 7 საგზური მსოფლიო ჩემპიონატის ფინალებსა და ნახევარფინალებზე დასასწრებად,“- ამბობს კოკა ქამუშაძე.
რამდენიმე დღის წინ „თიბისი ბანკმა“ რაგბის მსოფლიო ჩემპიონატისთვის მიძღვნილი ანიმაციური ფილმიც გამოუშვა, რომელმაც უკვე დიდი ყურადღება დაიმსახურა.
„თიბისის“ ინიციატივაა ასევე ონლაინპლატფორმა rugbystore.ge , სადაც ნებისმიერ გულშემატკივარს შეუძლია შეიძინოს ნაკრების ფორმა, აქსესუარები სხვადასხვა ტიპის საგულშემატკივრო ატრიბუტიკა.
რაგბის მსოფლიო თასი 2019 რიგით მეცხრე მსოფლიო ჩემპიონატია, რომელიც წელს აზიაში პირველად ჩატარდება. ჩემპიონატი 20 სექტემბერს დაიწყება და ფინალური შეხვედრით 2 ნოემბერს დასრულდება.
საქართველოს რაგბის ეროვნული ნაკრები მსოფლიო თასზე ზედიზედ უკვე მეხუთედ ასპარეზობს. მორაგბეები D ჯგუფში უელსის, ურუგვაის, ფიჯის და ავსტრალიის ეროვნულ გუნდებთან ერთად ითამაშებენ. მსოფლიო თასის სრული განრიგის შესახებ დეტალური ინფორმაციის მისაღებად გადადით ბმულზე
