ბათუმში 27-29 ივლისს, „თანამედროვე ხელოვნების ცენტრში“ ირანელი მხატვრის სალომე მესჩიანის (Salomeeh Meschian) ინდივიდუალური გამოფენა „დროის საწყისი“ გაიმართა.
გამოფენაზე წარმოდგენილი იყო მხატვრის მიერ პასტელით შესრულებული ნამუშევრების კოლექცია. გამოფენის კურატორი – რაუფ ფალაჰი (მხატვარი, რეჟისორი – ირანიდან).
თანამედროვე სამყარო დამანგრევლად მოქმედებს ადამიანურ აზროვნებაზე, იდელოგიაზე და კაცობრიობას უჭირს სწორი გზის მოძიება. ჩვენ ვერ შევძლებთ შევიცნოთ ხელოვნება თუ არ დავინახავთ/შევიგრძნობთ ხელოვნების რეალურ არსს და ადამიანური წარმოსახვის ემოციებს (როგორც კლასიკურ ისე იმპრესიონისტულ მხატვრობაში) .
გამოფენის ყველა ნამუშევარში იგრძნობა სინათლის მუსიკა, ხელოვნების არსის გამოხატულება და აღმოსავლელი ადამიანის არსებობის სასწაული.
გამოფენა მნახველს სიმშვიდის და განტვირთვის საშუალებას აძლევს, თითოეულ ნახატში შეგიძლიათ დაინახოთ არსებობა / არარსებობის მომენტი, აღმოსავლეთისთვის დამახასიათებელი ხელუხლებელი სიმშვენიერე.
სალომე მესჩიანის გამოფენა საქართველოში პირველად შედგა და მსგავსი გამოფენის ორგანიზება (განსხვავებულ ფორმატში) სამომავლოდაც განიხილება.
