ნეტგაზეთი • RU

დაღუპულია მეშვიდეკლასელი გოგო და მისი ბაბუა – ავარია ხულოში

დღეს, 25 ივლისს, ხულოში ავარიის შედეგად დაიღუპა ბაბუა და შვილიშვილი, მეშვიდეკლასელი გოგო. „ბათუმელების“ ინფორმაციით, ისინი მთაში, იალაღებზე მიდიოდნენ „უაზის“ ტიპის მანქანით.

მანქანა გზიდან ხევში გადავარდა, რის შედეგად დაიღუპა ორი და დაშავდა ერთი ადამიანი, რომელიც სასწრაფო სამედიცინო დახმარების ჯგუფმა გამოიყვანა შემთხვევის ადგილიდან.

დაღუპულები ღორჯომის თემიდან არიან. ბაბუა და შვილიშვილი მთაში, იალაღებზე მიდიოდნენ. „ბათუმელების“ ინფორმაციით, ავარია დანიშნულების ადგილზე მისვლამდე ცოტა ხნით ადრე მოხდა.

შს სამინისტროს ინფორმაციით, გამოძიება სისხლის სამართლის კოდექსის 276-ე მუხლით მიმდინარეობს.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com