სალომე ზურაბიშვილმა არ შეაფასა კარასინის მუქარა საქართველოსთან შესაძლო ომზე


დღეს, 5 ივლისს, საქართველოს პრეზიდენტი სალომე ზურაბიშვილი ბათუმში იმყოფება. პრეზიდენტი საკონსტიტუციო სასამართლოს მოსამართლეებს შეხვდა, შეხვედრა მედიისთვის დახურული იყო, შემდეგ კი პრეზიდენტი აჭარის მთავრობაში მივიდა. ეს შეხვედრაც დახურულ კარს მიღმა წარიმართა.

რუსეთის საგარეო საქმეთა მინისტრის მოადგილემ, სერგეი კარასინმა რუსულ მედიაში განაცხადა, რომ „საქართველოსთან ან უნდა ვიომოთ, ან ჟენევაში შევხვდეთ მოლაპარაკებებზე“, – „ბათუმელების“ კითხვა, რამდენად საშიშია კარასინის მუქარა და როგორი უნდა იყოს საქართველოს პოზიცია ამ საკითხზე, სალომე ზურაბიშვილმა უპასუხოდ დატოვა.

ზურაბიშვილმა ჟურნალისტების მიერ დასმულ არც სხვა კითხვებს უპასუხა. „მომავალ კვირას ისევ ჩამოვალ ბათუმში, სადაც მნიშვნელოვანი ევროპული კონფერენცია იმართება“ – განაცხადა პრეზიდენტმა.

ამავე თემაზე: 

კარასინი: ჩვენს ტრადიციებში არაა ჩვენი მისამართით თავხედობისა და მუქარის გადაყლაპვა

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com