Batumelebi | სიყვარული გაიმარჯვებს – ქემალფაშას და თურქეთის სხვა ქალაქის მერიების მხარდაჭერა ლგბტქ თემს სიყვარული გაიმარჯვებს – ქემალფაშას და თურქეთის სხვა ქალაქის მერიების მხარდაჭერა ლგბტქ თემს – Batumelebi
RU | GE  

სიყვარული გაიმარჯვებს – ქემალფაშას და თურქეთის სხვა ქალაქის მერიების მხარდაჭერა ლგბტქ თემს

თურქეთში ლგბტქ თემს სოციალურ მედიაში ღია მხარდაჭერა გამოუცხადეს იმ მუნიციპალიტეტების მერიებმა, სადაც 2019 წლის არჩევნებზე ოპოზიციამ გაიმარჯვა.

„სიყვარული გადაარჩენს მსოფლიოს“ – ვკითხულობთ ბოდრუმის მერიის ოფიციალურ გვერდზე ტვიტერზე; „სიყვარული გაიმარჯვებს“ – წერს ქემალფაშას მერია; „სამყარო მშვენიერია ყველა ფერით“ – ედირნეს მერია; „ვისურვებდი მომავალ წელს ერთად გაგვევლო“ – წერს იზმირის მერი. ჯამში, თურქეთის 20-მდე ქალაქის მერიის ტვიტერის ოფიციალურ გვერდზე გამოქვეყნდა ლგბტქ თემის მხარდამჭერი ტვიტი ჰეშთეგით – #Pride2019.

წყარო: twitter

წყარო: twitter

წყარო: twitter

ასევე, ლუდის კომპანია „ბომონტმა“ საგანგებოდ ცისარტყელას ფერებით ბრენდირებულ ბოთლში ჩამოასხა ლუდი.

წყარო: twitter

წელს პრაიდის გამართვა სტამბულში იგეგმებოდა, თუმცა სტამბულის გუბერნატორმა, რომელიც პრეზიდენტ ერდოღანის კადრია, ორგანიზატორებს პრაიდის ჩატარების ნებართვა არ მისცა.

პრაიდი სტამბულში 2003 წლიდან იმართება, ბოლო ხუთი წელია პრაიდის ჩატარების უფლებას ლგბტქ თემს ხელისუფლება არ აძლევს, თუმცა თემის წევრები მაინც გამოდიან ქუჩაში. შარშან ათასამდე ადამიანი სტამბოლის ცენტრში ლგბტ დროშებითა და ტრანსპარანტებით გამოვიდა და აქციის მონაწილეებმა სამართალდამცავთა განსაკუთრებული მობილიზების ფონზე სპეციალური განცხადება წაიკითხეს, რომლითაც ლგბტ თემის მიმართ მთავრობის პოლიტიკა გააკრიტიკეს.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com