„სისხლიანი 9+7 წელი“ – ამ გზავნილის გამო სოლიდარობის აქციას ბათუმში ენმ არ დაესწრო


მიუხედავად თავსხმა წვიმისა, ბათუმში, ევროპის მოედანზე, სოლიდარობის აქცია მაინც გაიმართა. დასაწყისში ამ აქციაზე მცირედი ინციდენტი მოხდა. აქციაზე მისული ენმ-ის წევრებში უკმაყოფილება გამოიწვია პლაკატმა – „სისხლიანი 9+7 წელი“. ენმ-ის წევრებმა თქვეს, რომ ერას მოედანზე აქციის ორგანიზატორების მიწვევით მივიდნენ.

აქციის ერთ-ერთი ორგანიზატორის, მალხაზ ჭკადუას თქმით, „პლაკატებზე წარწერების გაკეთება გადაწყდა ღია ხმის მიცემით და „სისხლიანი 9+7 წელი“, ისე როგორც პლაკატებზე დასატანი სხვა გზავნილები, ხმათა უმრავლესობით შეირჩა. ეს არის ამ ადამიანების მოსაზრება და თუ რომელიმე პოლიტიკური პარტიისთვის ეს მისაღები არ არის, ეს მათი არჩევანია“, – უთხრა „ბათუმელებს“ მალხაზ ჭკადუამ.

ამ მცირე ინციდენტის შემდეგ ენმ-ის წევრებმა აქცია დატოვეს. მანამდე კი მათ მოისმინეს რეპლიკები – „ვერც ესენი დარჩებიან და ვერც თქვენ მოხვალთ“, „ეს თქვენი 9 წელი იყო“.

ინციდენტის ამოწურვის შემდეგ, აქცია გაგრძელდა მთავარი მოთხოვნით, „გადადგეს გახარია“. აქციის მონაწილეებმა გააკრიტიკეს საქართველოს მოქმედი ხელისუფლება, რომელმაც 20 ივნისის აქცია დაარბია.

აქციის მონაწილეები ახლა უკვე აჭარის მთავრობის ადმინისტრაციული შენობის გავლით იუნკერთა სკვერისკენ მიემართებიან.

მა წუთებში თბილისში „რესპუბლიკის მოედნიდან თავისუფლების მოედნის მიმართულებით საპროტესტო მსვლელობა მიმდინარეობს სახელწოდებით – “თავისუფლების მარში”. აქციის მონაწილეები 20-21 ივნისს განვითარებული მოვლენების გამო შს მინისტრ გიორგი გახარიას გადადგომას ითხოვენ.

 

სოლიდარობის აქცია ერას მოედანზე. ბათუმი, 2019 წლის 29 ივნისი

სოლიდარობის აქცია ერას მოედანზე. ბათუმი, 2019 წლის 29 ივნისი

სოლიდარობის აქცია ერას მოედანზე. ბათუმი, 2019 წლის 29 ივნისი

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან