ინფორმაცია განახლდება.
აჭარის ჯანდაცვის სამინისტროს ინფორმაციით, 26 ივნისს, დაახლოებით 00:45 საათზე, თურქეთში, ავტობანის ფაზარის მონაკვეთზე, ტრაბზონიდან 120 კილომეტრში ავტოსაგზაო შემთხვევა მოხდა, რის შედეგადაც საქართველოს ორი მოქალაქე დაიღუპა, ერთი კი მძიმე მდგომარეობაში, ორდუს კლინიკაშია მოთავსებული.
სამივე მათგანი ბათუმის მცხოვრები იყო.
სამინისტროს ინფორმაციით, დაღუპული და დაშავებული ადამიანები ერთი ოჯახის წევრები არიან. გარდაცვლილია ერთი კაცი და ერთი ქალი. საავადმყოფოში გადაყვანილი პირიც ქალია.
სამინისტროს ცნობით, ადგილზე იმყოფებიან ტრაბზონში საქართველოს გენერალური საკონსულოს წარმომადგენლები. „ადგილზე მიმდინარეობს მუშაობა,“ – გვითხრეს სამინისტროში.
