Batumelebi | ბერა: აქცია ერთი გზააბნეული პოლიტიკოსის შეცდომით დაიწყო და რევანშისტების ორგანიზებით გაგრძელდა ბერა: აქცია ერთი გზააბნეული პოლიტიკოსის შეცდომით დაიწყო და რევანშისტების ორგანიზებით გაგრძელდა – Batumelebi
RU | GE  

ბერა: აქცია ერთი გზააბნეული პოლიტიკოსის შეცდომით დაიწყო და რევანშისტების ორგანიზებით გაგრძელდა

ბერა ივანიშვილი საკუთარი ფეისბუკის გვერდზე პარლამენტის წინ მიმდინარე საპროტესტო აქციას გამოეხმაურა, სადაც ის ამბობს, რომ აქცია „ერთი გზააბნეული ქართველი პოლიტიკოსის შეცდომით დაიწყო და ჩასაფრებული რევანშისტების მიერ ორგანიზებული ძალადობით გაგრძელდა“.

„მინდა ჩემი ხმა შევუერთო ჩემი თავისუფლებისმოყვარე თანატოლების გულწრფელ და სამართლიან პროტესტს იმ სამარცხვინო პროცესების გამო, რაც ერთი გზააბნეული ქართველი პოლიტიკოსის შეცდომით დაიწყო და ჩასაფრებული რევანშისტების მიერ ორგანიზებული ძალადობით გაგრძელდა, რის შედეგადაც დაშავდნენ როგორც აქციის მონაწილეები, ასევე პოლიციელები.

მე თქვენთან ერთად მთელი გულით განვიცდი ამ ტკივილს და მზად ვარ, მხარში დავუდგე თითეოულ მათგანს. ჩვენ, დამოუკიდებლობის ხანაში დაბადებულები, არავის დავუთმობთ ჩვენი სამშობლოს თავისუფლებას და არავის დავანებებთ ჯიჯგნოს მისი სხეული.“

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com