Batumelebi | 5 მეთორმეტეკლასელის ბოლო ზარი 5 მეთორმეტეკლასელის ბოლო ზარი – Batumelebi
RU | GE  

5 მეთორმეტეკლასელის ბოლო ზარი

ანზორ ხიმშიაშვილს დღეს ბოლო ზარი ჰქონდა. ის ბათუმის 26-ე საჯარო სკოლის მოსწავლეა. ანზორთან ერთად დღეს კიდევ ოთხმა ახალგაზრდამ აღნიშნა სკოლის დასრულება. ანზორი და მისი მეგობრების – X-XII-კლასელები ეგრეთ წოდებულ კლასკომპლექტში სწავლობენ.

ანზორი გვეუბნება, რომ მომავალი პროფესია უკვე არჩეულია აქვს – პროფესიულ კოლეჯში აპირებს სწავლის გაგრძელებას და უნდა კომპიუტერის სპეციალისტი გამოვიდეს. მისი თანაკლასელი რეზიკო ყურშუბაძე თავის მომავალს სცენაზე ხედავს – მსახიობობა უნდა.

ბათუმის 26-ე სკოლაში სულ 42 შშმ მოსწავლე სწავლობს. სკოლის ადმინისტრაციაში „ბათუმელებს“ უთხრეს, რომ შშმ ბავშვების მხრიდან მოთხოვნა გაიზარდა, ამიტომაც ახალი სასწავლო წლიდან სამი სპეცმასწავლებლის დამატება იგეგმება.

დღეს 26-ე სკოლაში აჭარის განათლების მინისტრი მაია ხაჯიშვილი და ბათუმის მერი ლაშა კომახიძე მივიდნენ მოსწავლეებისთვის სკოლის დასრულების მისალოცად.

 

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com