ბათუმის მერია გოგებაშვილის ქუჩის მიმდებარედ, მუნიციპალიტეტის საკუთრებაში არსებული მიწის ნაკვეთისთვის სკვერის სტატუსის მინიჭებას გეგმავს. ამასთან დაკავშირებით თანხმობის მიღების თაობაზე მერიამ საკრებულოს უკვე მიმართა.
მერია ითხოვს, ასევე, ამ სკვერს მეზღვაურთა სკვერის სახელი მიენიჭოს.
განკარგულების პროექტს თან ერთვის ორი წერილი, რომელიც ბათუმის მერმა ლაშა კომახიძემ ამ საკითხთან დაკავშირებით საზღვაო ტრანსპორტის სააგენტოსგან დირექტორისგან თამარ იოსელიანისგან და ბათუმის საზღვაო-საინჟინრო სასწავლებელ „ანრის“ დირექტორისგან ანზორ დიასამიძისგან მიიღო.
ორივე წელის ავტორი მერიას სთხოვს მიიღოს გადაწყვეტილება ბათუმის საზღვაო ნავსადგურთან ახლოს კონკრეტული ტერიტორიისათვის მეზღვაურთა სკვერის მინიჭების თაობაზე.
საჯარო რეესტრის მონაცემებით, სკვერის სტატუსის მისანიჭებლად განსაზღვრული ტერიტორია 6348 კვადრატული მეტრია.
საკითხი საკრებულომ 14 ივნისს დაანონსებულ სხდომაზე უნდა განიხილოს.
