Batumelebi | ირაკლი ჯინჭარაძე უკრაინაში ლურჯი დროშის მიღების გამოცდილებას გაეცნო ირაკლი ჯინჭარაძე უკრაინაში ლურჯი დროშის მიღების გამოცდილებას გაეცნო – Batumelebi

ირაკლი ჯინჭარაძე უკრაინაში ლურჯი დროშის მიღების გამოცდილებას გაეცნო

„ლურჯი დროშის“ პროექტის ფარგლებში, სსიპ ბათუმის ბულვარის დირექტორი ირაკლი ჯინჭარაძე უკრაინაში, კერძოდ, ოდესის ოლქის ზღვისპირა ქალაქებში იმყოფებოდა, სადაც რამდენიმე სანაპირო ზოლს ლურჯი დროშის სტატუსი მიენიჭა.

ირაკლი ჯინჭარაძესთან ერთად, უკრაინაში იმყოფებოდა ბათუმის ბულვარის ქონების მართვის სამსახურის წარმომადგენელი დავით გამრეკელაშვილი და აჭარის ტურიზმისა და კურორტების დეპარტამენტის უფროსის მოადგილე ჯაბა ბერიძე.

ირაკლი ჯინჭარაძემ საქმიანი შეხვედრები გამართა იმ არასამთავრობო და სამთავრობო უწყებების ხელმძღვანელებთან, რომლებიც ჩართულები იყვნენ საერთაშორისო პროექტის განხორციელებაში.

ბათუმის ბულვარის წარმომადგენლები ლურჯი დროშის გადაცემის ცერემონიალს დაესწრნენ.

ბათუმის ბულვარის წარმომადგენლები ლურჯი დროშის გადაცემის ცერემონიალს დაესწრნენ.

აჭარის წარმომადგენლებს პირადად უმასპინძლა ჩერნომორსკის (ილიჩევსკი) მერმა ვალერი ხმელნიუკმა. უკრაინულმა მხარემ „ლურჯი დროშის“ პროექტთან დაკავშირებით ქართველებისთვის გამოცდილების გაზიარების მზაობა გამოთქვა.

„შავ ზღვაზე ლურჯი დროშის აღმართვის გამოცდილების გაზიარება და წინასწარ ჩატარებული მოსამზადებელი სამუშაოების გაცნობა განსაკუთრებით მნიშვნელოვანია ჩვენთვის, ბათუმის ბულვარისთვის, რომელიც უკვე აქტიურადაა ჩართული აღნიშნულ საერთაშორისო პროექტში . სპეციალურად ბათუმისთვის უკვე შემუშავებულია რეკომენდაციები, რომელთა გათვალისწინების შემდეგ, ბულვარის სანაპირო ზოლზეც ვიხილავთ ლურჯ დროშას“ – განაცხადა ბულვარის დირექტორმა ირაკლი ჯინჭარაძემ.

ოდესისა და ჩერნომორსკის სანაპირო ზოლის რამდენიმე ლოკაციას უკვე „ლურჯი დროშის“ ნიშანი აქვს მინიჭებული. ბათუმის ბულვარის წარმომადგენლები ლურჯი დროშის გადაცემის ცერემონიალს დაესწრნენ.

ლურჯი დროში აღმართვის ცერემონილზე

ლურჯი დროში აღმართვის ცერემონილზე

როგორც ბულვარის დირექტორი ირაკლი ჯინჭარაძე აღნიშნავს, უკრაინას ძალიან კარგი გამოცდილება აქვს კერძო და საჯარო პლაჟების განვითარების კუთხით. მისი თქმით, „ლურჯი დროშის“ მოპოვება ერთნაირად მნიშვნელოვანი და პრექსტიჟულია როგორც საჯარო, ისე კერძო სექტორისთვის. შესაბამისად, პროექტის წარმატებით განხორციელებისთვის, ერთობლივი ძალისხმევა და თანამშრომლობაა საჭირო.

„ლურჯი დროშა“ გარემოს საგანმანათლებლო ფონდის (FEE) ყველაზე პოპულარული პროექტია ტურიზმის სფეროში. „ლურჯი დროშის“ აღმართვა ნიშნავს: ეკოლოგიურად სუფთა სანაპიროს, უსაფრთხო გარემოს, გარემოს დაცვის მიმართულებით ცნობიერების ამაღლებას, მსოფლიო ტურისტულ ბაზარზე საერთაშორისო სტანდარტით პოზიციონირებასა და ეკოტურიზმის განვითარებას.

ლურჯი დროში აღმართვის ცერემონილი

ლურჯი დროში აღმართვის ცერემონილი

ნეტგაზეთის მასალების სხვა გამოცემებში გადაბეჭდვის წესი
ავტორი