12 მაისს, საქართველოს პრეზიდენტის პატრონაჟით, ვანო სარაჯიშვილის სახელობის თბილისის კონსერვატორიის დიდ დარბაზში ჩატარდა საქართველოს ბავშვთა და ახალგაზრდული საგუნდო კოლექტივების მე-5 ეროვნული კონკურსი.
სკოლა „ნიკეს“ უმცროსკლასელთა გუნდმა (ქორმაისტერი: თინა ჭეიშვილი, კონცერტმაისტერი: ნანა ბრუნჯაძე) მეორედ მიიღო მონაწილეობა აღნიშნულ კონკურსში. გასულ წელს კი ახალშექმნილმა კოლექტივმა თავის ასაკობრივ კატეგორიაში საპატიო მესამე ადგილი და ბრინჯაოს მედალი დაიმსახურა.
წელს სკოლა „ნიკეს“ პატარა მომღერლებმა მოამზადეს და პირველად ააჟღერეს ნანა ბრუნჯაძის სიმღერა „ბათუმი“. მას შემდეგ იმღერეს რიხიანი და პოლიფონიურობით გაჯერებული Soltege Symphony, რომელიც წარმოადგენს კლასიკოს კომპოზიტორთა მუსიკალურ სინთეზს და სრულდება ბეთჰოვენის მეცხრე სიმფონიით /„ვეროკავშირის ჰიმნით“.
პატარების მუსიკისადმი სიყვარულმა და აქტიურობამ, თინიკო მასწავლებლის მონდომებამ და პროფესიონალიზმმა, ნანა ბრუნჯაძის ენთუზიაზმმა და შემართებამ, ახალგაზრდებს მორიგი წარმატება – საპატიო II ადგილი და ვერცხლის მედალი მოუტანა.
2 ივნისს „ნიკეს“ გუნდი მიწვეულია გალა კონცერტზე, სადაც გაიმართება ოფიციალური დაჯილდოების ცერემონიალი.
