ხელვაჩაურის მუნიციპალიტეტში, სოფელ ახალსოფელში სასმელი წყლის წყალსადენის მშენებლობისა და მაგისტრალის მოწყობის სამუშაოები გრძელდება. დღეისათვის გაყვანილია 11-კილომეტრიანი წყლის მაგისტრალის მარშრუტი და დასასრულს უახლოვდება ცენტრალური მილის გაყვანა. ასევე, დაწყებულია წყლის სათავე და გამწმენდი ნაგებობის მოწყობის სამუშაოები.
პროექტის სახელშეკრულებო ღირებულება შეადგენს 858 858 ლარს. ობიექტზე სამუშაოებს აწარმოებს შპს „უნივერსალ ჯორჯია 2008“.
აღნიშნული ინფრასტრუქტურული პროექტი მიმდინარე წლის ნოემბერში დასრულდება.
