მთავარი,რეკლამა,სიახლეები

ქართველ მეზღვაურ-მზარეულებს დასაქმებისას პრობლემები აღარ შეექმნებათ

29.05.2019 • 2724
ქართველ მეზღვაურ-მზარეულებს დასაქმებისას პრობლემები აღარ შეექმნებათ

საზღვაო ტრანსპორტის სააგენტომ GIZ-თან ერთად შეიმუშავა საზღვაო კულინარიის პროგრამის მოდული, რომელიც თანხვედრაში მოდის საზღვაო შრომის კონვენციასთან (MLC 2006). დაინტერესებულ პირებს შესაძლებლობა ეძლევათ სასერტიფიკაციო კურსის გავლის შემდეგ დასაქმდნენ საოკეანო-სავაჭრო, თევსაჭერ და სამგზავრო გემებზე გემის მზარეულის, გემის მზარეულის დამხმარეს და სამაგიდე მომსახურე პერსონალის პოზიციებზე.

MLC 2006 კონვენციის წევრი 99 ქვეყნის დროშის ქვეშ მცურავ გემებზე ამ პოზიციებზე დასაქმების ძირითად ხელისშემშლელ ფაქტორს საქართველოს მოქალაქეებისათვის სწორედ სასერტიფიკაციო კურსის არარსებობა წარმოდგენდა.

სააგენტოს მიერ დამტკიცებული სერტიფიცირების წესისა და პირობების თანახმად მომზადების პროგრამებზე დაიშვება პირები, რომლებსაც აქვთ:

[checklist]

  • კულინარიის ხელოვნების ან/და მასთან გათანაბრებული კვალიფიკაცია;
  • ან/და „გემის მზარეულის“, ან/და „სამაგიდე მომსახურების პერსონალის“ სერტიფიკატი/მოწმობა/ცნობა;
  • ან/და საქართველოს კანონმდებლობის შესაბამისად მინიჭებული II საფეხურის მზარეულის პროფესიული კვალიფიკაცია და ფართო პროფილის სამზარეულოში მუშაობის არანაკლებ 1 წლიანი გამოცდილება;
  • ან/და საქართველოს კანონმდებლობის შესაბამისად მინიჭებული IV და V საფეხურის მზარეულის პროფესიული კვალიფიკაცია.

[/checklist]

მომზადების პროგრამის განხორციელების უფლებამოსილების მოპოვება შეუძლია საგანმანათლებლო დაწესებულებას, რომელიც ავტორიზებულია საქართველოს კანონმდებლობით დადგენილი წესით და ახორციელებს კულინარიის ხელოვნების შესაბამის პროფესიულ საგანმანათლებლო პროგრამას, ან საგანმანათლებლო დაწესებულება, რომელიც ავტორიზებულია საქართველოს კანონმდებლობით დადგენილი წესით და ახორციელებს საზღვაო სფეროს საგანმანათლებლო პროგრამას/პროგრამებს.

გადაბეჭდვის წესი


ასევე: