ბათუმის ბულვარის 35 ჰექტარი გამწვანების ზოლს უკავია. ქალაქის მთავარი ბაღის ფლორა მრავალფეროვნებით გამოირჩევა და ერთ-ერთი ყველაზე მდიდარი გამწვანებული რეკრეაციული ზონაა საქართველოში. ზღვისპირა ბულვარის ხე-მცენარეების კოლექცია მთლიანად 43 000 ძირს აჭარბებს. განსაკუთრებული კოლორიტულობით გამოიჩევა ისტორიული მაგნოლიების ხეივანი, რადგან ბულვარის განაშენიანება სწორედ ნინოშვილის ქუჩიდან დაიწყო და მოგვიანებით, აქ გაშენებული მაგნოლიებიც ბათუმისთვის დამახასიათებელ სიმბოლოდ იქცა. აღსანიშნავია, რომ ბულვარის მწვანე საფარის განახლების ფარგლებში, ახალი მაგნოლიების (Magnolia Grandiflora) დარგვა ყოველწიურად ხორციელდება.
[checklist]
- მაგნოლიების ხეივანი
[/checklist]
მაგნოლიების ხეივანი ბათუმში
[checklist]
- ბამბუკების ხეივანი
[/checklist]
ბათუმელებისა და ბულვარი სტუმრებისთვის მიმზიდველი ადგილია ასევე ბამბუკების ხეივანი, სადაც 2500-მდე მოსოს ჯიშის ბამბუკი ხარობს. წლევანდელ სეზონზე ბამბუკები განსაკუთრებული ვეგეტაციით გამოირჩევა და და ხეივანს უამრავი ახალი ნერგი შეემატა.
ბამბუკების ხეივანი ბათუმის ბულვარში
[checklist]
- ბათუმის ბულვარის ფიჭვნარი
[/checklist]
ბათუმის ბულვარში ზღვისპირა ზოლთან ახლოს 2435 ძირი ფიჭვი ხარობს. ფიჭვნარს ახალი ძირებით ყოველწლიურად აახლებენ. გაზაფხული-ზაფხულის გამწვანებითი სამუშაოების ფარგლებში, წელს დამატებით 20 ახალი ფიჭვის ხე დაირგო. ფიჭვის ხეივანი განსაკუთრებულ გამაჯანსაღებელ როლს თამაშობს ბულვარის მწვანე სივრცეში და მთისა და ზღვის ჰავასთან ერთად სამკურნალო თვისებებით ხასიათდება.
ფიჭვნარი ბათუმის ბულვარში
[checklist]
- პალმების ხეივანი
[/checklist]
მარადმწვანე ხე-მცენარეებში ბულვარისა და საპლაჟო ინფრასტრუქტურისთვის ერთ-ერთი ყველაზე სახასიათოა პალმები. სხვადასხვა ჯიშის პალმების რაოდენობა დღეისათვის 5418 ძირს აღწევს. მიმდინარე წლის გაზაფხული-ზაფხულის გამწვანებითი სამუშაოების ფარგლებში, ზღვის სანაპიროს გასწვრივ, დაირგო 200-მდე პალმა.
პალმების ხეივანი
საზაფხულო სეზონის მზადებისათვის ბათუმის ბულვარში მასშტაბური გამწანებითი ღონისძიებები მიმდინარეობს. ძველი და ახალი ბულვარის ტერიტორიაზე, ბათუმის ბულვარის გამწვანებისა და ლანდშაფტური დაგეგმარების სამსახურის მიერ მოხდა საყვავილე კლუმბებისა და კომპოზიციების გამრავალფეროვნება, აგრეთვე მწვანე ნარგავებისა და ახალი ლანდშაფტური სივრცეების დამატება. დაგეგმილია 700 ათასი ძირი სეზონურად მოყვავილე ერთწლოვანი ყვავილის, 4000 ათასზე მეტი დეკორატიული და მრავალწლოვანი ხის დარგვა. მათ შორის მიმოზები, კვიპაროსები, ფოტინიები, აზალიები, ვარდები, ემონიმუსები, ჰორტენზიები და სხვა.
ამ ეტაპზე უკვე დარგულია 854 ერთეული სხვადასხვა ჯიშის პალმა, ფიჭვი, მუხა, ტუია, ცრუქაფური. ახალი მწვანე საფარით განახლდა ზოო-კუთხის, ფიჭვნარის ტერიტორიები.
ახალი ბულვარი
ახალი ბულვარი
ახალი ბულვარი
