ბათუმის წყალი: შესაძლოა “ჭაობის” დასახლებაში მღვრიე წყალი წამოვიდეს

ბათუმის წყლის ინფორმაციით, ლუკა ასათიანის ქუჩაზე წყალმომარაგების მილზე ტექნიკური სამუშაოები იგეგმება, რის გამოც ღამით, 00:00 საათიდან 08:00 საათამდე, წყლის მიწოდება შეუწყდება ლუკა ასათიანის ქუჩას: ჭავჭავაძისა და გიორგი ბრწყინვალეს ქუჩების მონაკვეთში.
გარდა ამისა, კომპანიის ინფორმაციით, მილზე ჩასატარებელი ტექნიკური სამუშაოების გამო, შესაძლოა ე.წ. ჭაობის ტერიტორიაზე დაფიქსირდეს წყლის ამღვრევის ფაქტი. „გთხოვთ, მსგავსი ფაქტის დაფიქსირების შემთხვევაში, ონკანი გააღეთ, წყალი ადინეთ რამდენიმე წუთით, სისტემიდან ამღვრეული წყლის გამოშვების მიზნით. ამღვრეული წყალი შეიცავს მხოლოდ დროთა განმავლობაში მილზე მიკრულ მინერალებს,“ – წერს „ბათუმის წყალი“.