10 მაისი გადამფრენი ფრინველების დაცვის საერთაშორისო დღეა. გადამფრენი ფრინველების დაცვის საერთაშორისო დღე ყოველწლიური კამპანიაა, რომელიც გადამფრენი ფრინველების და მათი ადგილსამყოფელის შენარჩუნების შესახებ ცნობიერების ამაღლებას ემსახურება.
წელს გადამფრენ ფრინველებზე ნადირობა პირველი მარტიდან აიკრძალა. ნადირობა მხოლოდ აგვისტოს შემდეგ იქნება ნებადართული.
აჭარაში ყოველწლიურად იმართება გადამფრენ ფრინველებზე დაკვირვების საერთაშორისო ფესტივალიც. სპეციალისტების თქმით, შავი ზღვის სანაპირო, კერძოდ, ბათუმის შემოგარენი, „აღმოსავლეთ შავი ზღვის სამიგრაციო დერეფნის“ სახელითაა ცნობილი, სადაც ყოველწლიურად 1 მილიონზე მეტი გადამფრენი მტაცებელი ფრინველი აღირიცხება.
