შუახევში ვეტერინარულ კლინიკას ააშენებენ


დაბა შუახევში ვეტერინარული კლინიკა აშენდება. მშენებლობისთვის 55 131 ლარია გამოყოფილი. ტენდერი კი აჭარის სოფლის მეურნეობის სამინისტროს ა[ა]იპ აგროსერვისცენტრმა გამოაცხადა.

კლინიკა დაბა შუახევში მშენებარე ერთსართულიან სასაწყობო მეურნეობაზე დაშენდება. პროექტის თანახმად ვეტერინარული კლინიკა მოეწყობა „აგროსერვისცენტრის“ დაპროექტებული საჩითილე მეურნეობის დამხმარე შენობის ავტოპარკინგის ტერიტორიაზე. არსებულ ერთსართულიან სასაწყობო მეურნეობაზე დააშენებენ ფართობს, სადაც მოეწყობა ვეტერინალური კლინიკა და ჩითილების სარეალიზაციო პუნქტი.

ვეტერინარული კლინიკა ერთსართულიანი შენობა იქნება, ზომებით გეგმაში 12.2X8 მ. სართულის სიმაღლე 3მ. კონსტრუქციული სისტემა კარკასული ლითონის კონსტრუქციებსა და პროფილებზე. შიდა და გარე კედლები მოეწყობა სამშენებლო ბლოკებით.

რენდერი / შუახევის ვეტერინარული კლინიკა [მარცხნივ] და ჩითილების სარეალიზაციო შენობა [მარჯვნივ]

ტენდერში წინადადებების მიღება 2019 წლის 17 მაისს დაიწყება და 20 მაისს შეწყდება. კლინიკის მშენებლობა კი ტენდერში გამარჯვებულთან ხელშეკრულების გაფორმებიდან არაუგვიანეს 120 დღეში უნდა დასრულდეს.

ვეტერინარული კლინიკა ქობულეთში 2017 წელს გაიხსნა, ხულოში კი – 2018 წელს.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com