Batumelebi | დეპუტატი ანზორ ბოლქვაძე საკუთარი სასტუმროდან ენმ-ის წევრს აძევებს [ვიდეო] დეპუტატი ანზორ ბოლქვაძე საკუთარი სასტუმროდან ენმ-ის წევრს აძევებს [ვიდეო] – Batumelebi
RU | GE  

დეპუტატი ანზორ ბოლქვაძე საკუთარი სასტუმროდან ენმ-ის წევრს აძევებს [ვიდეო]

ენმ-ის აქტივისტმა ხათუნა ბერიძემ 7 მაისს, გვიან ღამით გამოაქვეყნა ვიდეო კომენტარით:”ნახეთ როგორ არღვევენ კონსტიტუციურ უფლებას და იჭრებიან ნაქირავებ ნომერში საქართველოს პარლამენტის ოცნების დეპუტატი და მათი აქტივისტები”.

კადრში ჩანს დეპუტატი ანზორ ბოლქვაძე, რომელიც ქალს დაჟინებით სთხოვს დატოვოს სასტუმრო. დეპუტატი ამბობს, რომ ეს სასტუმრო ხულოში მისი საკუთრებაა და მას აქვს ამის (სტუმრის გაძევების) უფლება.


ანზორ ბოლქვაძის თანმხლები, ბათუმის მერიის საქალაქო ინფრასტრუქტურისა და კეთილმოწყობის სამმართველოს თანამშრომელი  კი ხათუნა ბერიძეს აფრთხილებს, რომ მას არ აქვს ვიდეოს გადაღების უფლება.

ქალის წინააღმდეგობის შემდეგ ანზორ ბოლქვძე მალევე გადის სასტუმროს ნომრიდან. მოქალაქე დეპუტატის თანმხლებ პირებს აჩვენებს თანხის გადახდის დამადასტურებელ ინვოისს. ქალი ითხოვს, რომ პოლიციის ძალით გააძევონ სასტუმროდან.

დღეს, 8 მაისს ხულოში მომხდარ ინცინდენტზე ერთიანი ნაციონალური მოძრაობა სპეციალურ ბრიფინგს გამართავს.

19 მაისს საქართველოს ხუთ მუნიციპალიტეტში მერების რიგგარეშე და საკრებულოების შუალედური არჩევნები უნდა გაიმართოს. მათ შორის მერი უნდა აირჩიონ ხულოშიც.

დეპუტატ ანზორ ბოლქვაძის სასტუმრო ხულოს ცენტრში

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან