ჩაქვში ფეხით მიმავალი ბავშვი მანქანის შეჯახების შედეგად დაიღუპა, მძღოლი ნასვამი იყო – შსს


დღეს, 15 აპრილს, ჩაქვში ავტოავარიის შედეგად 12 წლის ბიჭი დაიღუპა.

შს სამინისტროს ინფორმაციით, მანქანა ფეხით მიმავალ ბავშვს დაეჯახა.

შინაგან საქმეთა სამინისტროს ინფორმაციით, დაკავებულია ავტომანქანის მძღოლი. შსს-ს ცნობით იგი ალკოჰოლის ზემოქმედების ქვეშ იყო.

გამოძიება სისხლის სამართლის კოდექსის 276-ე მუხლის მეშვიდე ნაწილით მიმდინარეობს – ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც ადამიანის სიცოცხლის მოსპობა გამოიწვია, ჩადენილი ალკოჰოლის ან ნარკოტიკული/ფსიქოტროპული/ახალი ფსიქოაქტიური ნივთიერების ზემოქმედების ქვეშ, ისჯება თავისუფლების აღკვეთით ვადით ექვსიდან ცხრა წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com