რამდენიმე წუთის წინ ბათუმში, მახინჯაურის დასახლებაში ავტოსაგზაო შემთხვევა მოხდა. ბათუმი-ქობულეთის მაგისტრალზე ერთმანეთს ორი მსუბუქი ავტომობილი შეეჯახა.
ბათუმის სასწრაფო სამედიცინო დახმარების სამსახურის ინფორმაციით, ავტოსაგზაო შემთხვევის შედეგად ოთხი ადამიანი სხვადასხვა კლინიკაში გადაიყვანეს.
„მძიმედ დაშავებულები არ არიან, ძირითადად, დაჟეჟილობებით და მცირე ჭრილობებით გადავიყვანეთ ოთხი ადამიანი სხვადასხვა საავადმყოფოში,“ – გვითხრეს სასწრაფო დახმარების სამსახურში.
შინაგან საქმეთა სამინისტროს ინფორმაციით, ფაქტზე დაწყებულია გამოძიება სისხლის სამართლის კოდექსის 276-ე მუხლის პირველი ნაწილით.