ქართული ხორბალი საქართველომ იუნესკოში წარადგინა


ქართული ხორბლის კულტურა (ხორბლის ენდემური სახეობების და ხალხური სელექციით მიღებული ჯიშები საქართველოში) სახელმწიფომ იუნესკოს არამატერიალური მემკვიდრეობის „მსოფლიო გადაუდებელი დაცვის საჭიროების მქონე ნუსხაში“ წარადგინა.

იუნესკოში წარსადგენ შესაბამის განაცხადს ხელი დღეს, 28 მარტს მოაწერეს ხელი განათლების, მეცნიერების და კულტურის და  გარემოსა და სოფლის მეურნეობის მინისტრებმა.

განათლების სამინისტროს ინფორმაციით, „ქართული ხორბლის, როგორც გადაუდებელი დაცვის საჭიროების მქონე ელემენტის საერთაშორისო აღიარება მის გადასარჩენად ქვეყნის შიგნით სამთავრობო და არასამთავრობო ინსტიტუციების, დარგობრივი ექსპერტების, სამეცნიერო, საგანმანათლებლო დაწესებულებების, მეხორბლე ფერმერების, მეხორბლე ოჯახების ჰარმონიზებულ საქმიანობას უზრუნველყოფს“.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com