ბათუმში, კათოლიკური ეკლესიის მიმდებარედ, ტროტუარზე ამოცვენილი დეკორატიული ფილების ნაცვლად ბეტონია დაგებული. ტროტუარის ეს ნაწილი საზოგადოებრივი ტრანსპორტის გაჩერებაზე მოსაცდელი კონსტრუქციის ქვეშაა.
რატომ დაზიანდა ფილების საფარი და ვინ არის მის მოვლა-პატრონობაზე პასუხისმგებელი? – ბათუმის მერიის პრესსამსახურის ინფორმაციით „მოსაცდელების მოვლა-პატრონობაზე პასუხისმგებელია შპს „ალმა“. დაზიანებული ფილების ნაცვლად ბეტონი კომპანიამ დროებით დააგო“.
ქალაქის მერიაში აცხადებენ, რომ „უახლოეს მომავალში ბეტონის საფარი დეკორატიული ფილებით ჩანაცვლდება“.