კომპანია „ბათუმის წყალი“ აცხადებს, რომ ავარიულად დაზიანდა 225მმ-იანი მილი, რის გამოც აბონენტების ნაწილს წყალმომარაგება შეუწყდათ შემდეგ მისამართებზე:
ხახუტაიშვილის ქუჩა; შერიფ ხიმშიაშვილის ქუჩა: N9-დან, N15-ის ჩათვლით მონაკვეთში; ინასარიძის ქუჩა: N2-დან, N10-ის ჩათვლით მონაკვეთში; ფიროსმანის ქუჩა: N14გ-დან, N22-ის ჩათვლით მონაკვეთში.
კომპანიაში აცხადებენ, რომ მიმდინარეობს ტექნიკური სამუშაოები და დღეს, 8 მარტს, 23:00 საათიდან ზემოაღნიშნულ მისამართებზე აბონენტებს წყლის მიწოდება აღუდგებათ.
აღსანიშნავია, რომ ამავე მისამართებზე აბონენტებს წყლის მიწოდება 6 მარტსაც შეუწყდათ. „ბათუმის წყალში“ მაშინ განაცხადეს, რომ მიზეზი წყალმომარაგების სისტემაზე ახალი მშენებარე კორპუსის დაერეთების სამუშაოები იყო.
შპს „ბათუმის წყლისგან“ აბონენტებს დამატებითი ინფორმაციის მიღება სამუშაოებთან დაკავშირებით შეუძლიათ კომპანიის ცხელი ხაზის მეშვეობით ნომერზე: (0422) 242222, ან 1152
