Batumelebi | შავი ზღვის ზვიგენის ფოტოები საზღვაო ექსპედიციიდან შავი ზღვის ზვიგენის ფოტოები საზღვაო ექსპედიციიდან – Batumelebi
RU | GE  

შავი ზღვის ზვიგენის ფოტოები საზღვაო ექსპედიციიდან

გარემოს ეროვნული სააგენტოს მეთევზეობისა და შავი ზღვის მონიტორინგის დეპარტამენტმა 2019 წლის პირველი საზღვაო ექსპედიცია დაასრულა. შედეგად შეგროვდა მასალა და ინფორმაცია საქართველოს შავი ზღვის სანაპიროს მიმდინარე პერიოდის თევზების ბიომრავალფეროვნებისა და მარაგების შესახებ.

თევზჭერა საქართველოს შავი ზღვის სანაპიროს სხვადასხვა უბანზე დაფიქსირდა, ყველა აქტიურ სიღრმით იარუსზე – თევზსაჭერი ტრალის გამოყენებით. ასევე, ექოსაუნდერის საშუალებით ჩატარდა რესურსების სკანირება. წარმოებდა დაკვირვებები ზღვის ძუძუმწოვრებზე. აღებული მასალა და სინჯების დამუშავება მარტის თვის ბოლომდე დასრულდება.

 

საზღვაო ექსპედიციისას მოპოვებული იქნა შავი ზღვის ზვიგენის მსხვილი ეგზემპლარი, რომელიც გარემოს ეროვნული სააგენტოს მეთევზეობისა და შავი ზღვის მონიტორინგის დეპარტამენტის ხელმძღვანელის, არჩილ გუჩმანიძის ინფორმაციით, გარემოში იქნა დაბრუნებული. მისივე განმარტებით, ბოლო პერიოდში ასეთი ზომის ეგზემპლარი იშვიათია.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან