ბათუმის მერიის ინფორმაციით, გარევაჭრობა აიკრძალა ბათუმში, ჭავჭავაძისა და ლერმონტოვის ქუჩების კვეთაში. როგორც მერიაში აცხადებენ, გარევაჭრობის დახლების აღებამდე მერიამ გარემოვაჭრეები გააფრთხილა და ისინი საკუთარი პროდუქციის რეალიზებისთვის ე.წ. ბონის ბაზარში გადავლენ.
გარევაჭრობის დახლებისაგან ქალაქის ქუჩების გათავისუფლება გასულ კვირას წერეთლის ქუჩიდან დაიწყო.
გარევაჭრობის აკრძალვას საპროტესტო აქციები მოჰყვა ბათუმში გარემოვაჭრეთა მხრიდან. ისინი მერიის მიერ შეთავაზებულ ადგილზე უარს აცხადებდნენ. გარემოვაჭრეებმა 28 იანვარს ჭავჭავაძის ქუჩაც გადაკეტეს პროტესტის ნიშნად. აქციაზე ერთ-ერთი გარემოვაჭრე პოლიციამ დააკავა. თუმცა საბოლოოდ შეთანხმება შედგა.
ამავე თემაზე: შეთანხმება შედგა – გარემოვაჭრეები ავტოსადგურის ტერიტორიაზე გადავლენ