აჭარის სოფლის მეურნეობის მინისტრს ახალი მოადგილე ეყოლება. ამ თანამდებობაზე აჭარის მთავრობის თავმჯდომარე, თორნიკე რიჟვაძე სულხან მოწყობილს დანიშნავს.
სულხან მოწყობილი აქამდე ქობულეთის მერის, მირიან ქათამაძის პირველი მოადგილე იყო.
სულხან მოწყობილი პროფესიით ეკონომისტია, 2012 წელს იყო აჭარის ფინანსთა და ეკონომიკის მინისტრის მოადგილე, შემდგომში – აჭარის ფინანსთა და ეკონომიკის სამინისტროს ადმინისტრაციული დეპარტამენტის უფროსი; 2012 წლიდან 2014 წლამდე – აჭარის საგანგებო და გადაუდებელი სიტუაციების მართვის სააგენტოს უფროსის მოადგილე, 2016-2017 წლებში კი აჭარის ავტონომიური რესპუბლიკის უმაღლესი საბჭოს მაჟორიტარი დეპუტატის, გიორგი რომანაძის წარმომადგენელი.
