დღეს, 16 იანვარს, ბათუმში დასავლეთის ქარი უბერავს, პერიოდულად – 20-25 მეტრი წამში. სინოპტიკოსების ცნობით, ქარიანი ამინდი ბათუმში დღეს და შესაძლოა, ხვალაც შენარჩუნდეს.
დღეს, საღამომდე, შენარჩუნდება ღრუბლიანი ამინდი, ხვალ, 17 იანვარს კი, სინოპტიკოსების ცნობით, აჭარის სუბტროპიკულ ზონაში თოვლ-ჭყაპია მოსალოდნელი.
ჰაერის ტემპერატურა სანაპირო რაიონებში იქნება:
- დღისით: 5 – 10 გრადუსი
- ღამით: 1 – 6 გრადუსი
მთაში მოსალოდნელია:
- დღისით: 5 – 10 გრადუსი
- ღამით: 0 – 5 გრადუსი ყინვა
გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, კვირის ბოლოს, 18-19 იანვარს, ბათუმში გამოიდარებს და მოსალოდნელია უმეტესად უნალექო ამინდი.
ამავე თემაზე: ბათუმში ორი ადამიანი სახლის სახურავიდან გადმოვარდა
________________________________
მთავარ ფოტოზე: დღეს, 16 იანვარს, ძლიერმა ქარმა ბათუმში, ჭავჭავაძის ქუჩაზე, სამშენებლო კომპანიის ბანერი დააზიანა. გურამ მურვანიძის ფოტო
