წუხელ, 13 იანვრის საღამოს, ბათუმში ორ მოზარდს პიროტექნიკა ხელში აუფეთქდა. „ბათუმელების“ ინფორმაციით, წუხელ 11 წლის ბიჭი ხელის მტევნის დაზიანებით ბავშვთა საავადმყოფოში მიიყვანეს. თუმცა, ბავშვის ახლობლის თქმით, მისი თბილისში გადაყვანა გახდა აუცილებელი: „დაზიანებული აქვს ორი თითი და ხელის გულზე აქვს ჭრილობა, ამ წუთებში ოპერაცია უტარდება“.
ბათუმის სასწრაფო სამედიცინო დახმარების სამსახურის ინფორმაციით, მეორე შემთხვევაც წუხელ მოხდა ბათუმში. სამედიცინო ჯგუფმა 12 წლის ბიჭი „ოცნების ქალაქიდან“ ანგისაზე, ბავშვთა საავადმყოფოში გადაიყვანეს. „მნიშვნელოვანი დაზიანებები არ ჰქონდა. ხელზე ნახეთქი ჭრილობებით იქნა ჰოსპიტალიზირებული“, – გვითხრეს სასწრაფოში.
