7 იანვარს ბათუმში ტრადიციული ალილო გაიმართება


მართლმადიდებელი ეკლესია ხვალ, 7 იანვარს, ქრისტეს შობის დღესასწაულს აღნიშნავს. ბათუმის ღვთისმშობლის შობის სახელობის საკათედრო ტაძარში საზეიმო ღვთისმსახურება დღეს, ღამის 12 საათზე დაიწყება.

შობის სადღესასწაულო ღამისთევის წირვას ბათუმისა და ლაზეთის მიტროპოლიტი დიმიტრი აღავლენს. ხვალ კი ქალაქის ქუჩებში მრევლის ტრადიციული მსვლელობა – ალილო გაიმართება.

„7 იანვარს, კვირას, დღის 12 საათზე მრევლი ბათუმის ღვთისმშობლის საკათედრო ტაძართან შეიკრიბება, საიდანაც დაიწყება მსვლელობა. მარშრუტი იქნება საკათედრო ტაძარი – ჭავჭავაძის ქუჩა – ჯავახიშვილის ქუჩა – გორგილაძის ქუჩა – 26 მაისის ქუჩა – რუსთაველის ქუჩა – იუნკერების საფლავი – საკათედრო ტაძარი“, – გვითხრეს ბათუმისა და ლაზეთის ეპარქიაში.

ეპარქიის ინფორმაციით, ალილოზე შეგროვებული საჩუქრები მოხუცებულთა და ბავშვთა სახლებს გადაეცემათ.

მთავარი ფოტო: ალილო 2018, ბათუმი.
ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com