მთავარი,რეკლამა,სიახლეები

ვალდორფის ბაღი ბათუმში – ადგილი, სადაც ბავშვს თავისუფალ აზროვნებას ასწავლიან

03.10.2018 • 12265
ვალდორფის ბაღი ბათუმში – ადგილი, სადაც ბავშვს თავისუფალ აზროვნებას ასწავლიან

პირველი ოქტომბრიდან ბათუმში პირველად გაიხსნა ვალდორფის ბაღი. ვალდორფის პირველი სკოლა და ბაღი დაახლოებით ასი წლის წინ დაარსდა გერმანიაში, 2019 წელი ვალდორფის სკოლა-ბაღებისთვის საუკუნის წელია. დღეს მსოფლიოს სხვადასხვა ქვეყანაში ვალდორფის პედაგოგიკაზე დაფუძნებული არაერთი ბაღია.

საქართველოში ვალდორფის პირველი სკოლა 25 წლის წინ თბილისში გაიხსნა, რასაც ბაღის გახსნაც მოჰყვა.

თავისუფლება, დამოუკიდებელი აზროვნება, გადაწყვეტილების მიღების უნარი, საკუთარი თავის მნიშვნელობა სამყაროში და სხვისი სივრცის გაფრთხილება, შეცდომებისადმი უშიშარი დამოკიდებულება – ეს არასრული ჩამონათვალია იმ მიზნებისა, რაც ვალდორფის ასწლოვან, გერმანულ პედაგოგიკას აქვს.

ეხებიან, აგემოვნებენ, ყნოსავენ - ასე შეიმეცნებენ თავიდან ბავშვები სამყაროს.

ეხებიან, აგემოვნებენ, ყნოსავენ – ასე შეიმეცნებენ აქ თავიდან ბავშვები სამყაროს.

როგორ ეცნობიან ბავშვები სამყაროს – ვალდორფის ბაღის მეთოდი

ეხებიან, აგემოვნებენ, ყნოსავენ – ასე შეიმეცნებენ თავიდან ბავშვები სამყაროს. ხშირად ბაღებში ამ უნარების განვითარებას მხოლოდ ინტელექტზე ზეწოლით ცდილობენ. სკოლამდელებისთვის ამა თუ იმ საგნის შესწავლა, მშრალი ინფორმაცია და ზეპირებული ლექსები მხოლოდ დაუმუშავებელ ინფორმაციად რჩება.

წვიმასთან, ტალახთან, ქვიშასთან, ბუნებრივ მასალებთან შეხება ბავშვებს უზომოდ სიამოვნებთ და ამშვიდებთ, მათთვის ეს ერთგვარი თამაშიცაა და შემეცნების პროცესიც. ვალდორფის ბაღში ამინდს მნიშვნელობა არ აქვს, წვიმასა და ქარში მათ შესაბამისი აღჭურვილობა აქვთ გარეთ გასასვლელად და დასაკვირვებლად: როგორ წვიმს, თოვს ან როგორ აცხუნებს მზე. ბავშვებს უნდა ჰქონდეთ საშუალება, ყველაფერს შეეხონ და თავად დააკვირდნენ.

ვალდორფის ბაღის ხელნაკეთი თოჯინები ბავშვებს

ვალდორფის ბაღში ვერ ნახავთ პლასტმასის სათამაშოებს. სკამები და მაგიდები ხისაა, ასევე, ყველა სათამაშო ხისა და ცვილისგანაა დამზადებული.

ნაჭრის, მატყლისა და სხვა ბუნებრივი მასალებისგან აქ მშობლები სპეციალურ სახელოსნოში თავად ქმნიან საკუთარი შვილებისთვის ეკოლოგიურად სუფთა თოჯინებს, ასე ისინი ვალდორფის ბაღის ცხოვრებაში ერთვებიან და საკუთარი შვილების უსაფრთხოებაში შეაქვთ წვლილი.

ბავშვები თავად წყვეტენ რა ითამაშონ, თავად ინაწილებენ როლებს, წესებსაც იგონებენ

ბავშვები თავად წყვეტენ რა ითამაშონ, თავად ინაწილებენ როლებს, წესებსაც იგონებენ.

ბაღი, სადაც ბავშვები გემრიელად მიირთმევენ

ბაღის სამზარეულოში ყველა კერძის დამზადებაში, რაც კეთდება, ბავშვებიც იღებენ მონაწილეობას: აცხობენ ორცხობილებს, იმზადებენ საუზმეს, ცხადია აღმზრდელებისა და მზარეულის დახმარებით.

ბავშვები თითქმის ვერასდროს ამბობენ უარს იმის მირთმევაზე, რის დამზადებაშიც ოდნავი წვლილი მაინც მიუძღვით. აქ ხელით არავის აჭმევენ, უბრალოდ ეხმარებიან, ბავშვმა ჭამა თავად ისწავლოს. იგივე წესები მოქმედებს პირადი ჰიგიენის დაცვასთან დაკავშირებითაც.

ვალდორფის ბაღში ყველაფერს აკეთებენ იმისთვის, რომ ბავშვებმა თავად სცადონ ყველაფერი და ასე დააგროვონ გამოცდილება. მიდგომა, რომ „მე ვაჭმევ და უფრო მალე შეჭამს“, „მე უფრო სუფთად დავბან“ – ვალდორფის ბაღში უცხოა,  ბავშვებთან ამგვარ დამოკიდებულებას აქ დათვურ სამსახურად მიიჩნევენ.

თავისუფალი თამაშები ფანტაზიის განვითარებისთვის

ვალდორფის ბაღში დღე თავისუფალი თამაშით იწყება, ბავშვები თავად წყვეტენ რა ითამაშონ, თავად ინაწილებენ როლებს, წესებსაც იგონებენ – შედეგად არ მეორდება ერთი და იგივე თამაში, ასაკის მატებასთან ერთად კი თამაში რთულდება და უფრო მრავალფეროვანი ხდება – ასე ბაღში ბავშვების უსასრულო ფანტაზიას მაქსიმალური განვითარების საშუალებას აძლევენ.

იმისთვის, რომ ბავშვების უშრეტ ფანტაზიას ბარიერები არ შეუქმნან, ვალდორფში თითქმის არ იყენებენ ამკრძალავ სიტყვებს: „არ ქნა“, „არ შეიძლება“… ცხადია, არსებობს აკრძალვები, მაგრამ სხვაგვარად ფორმულირებული, არაკატეგორიული და არგუმენტირებული.

აქ მშობლები სპეციალურ სახელოსნოში თავად ქმნიან საკუთარი შვილებისთვის ეკოლოგიურად სუფთა თოჯინებს

აქ მშობლები სპეციალურ სახელოსნოში თავად ქმნიან საკუთარი შვილებისთვის ეკოლოგიურად სუფთა თოჯინებს.

მშობლების ვალდორფული ცხოვრება

ვალდორფის პედაგოგიკა მშობლების ჩართულობის გარეშე არ არსებობს. ბავშვისთვის რეალობაში ჰარმონიულად ცხოვრების სწავლება თანაბრადაა დამოკიდებული როგორც მშობლებზე, ასევე ბაღზე. საუზმის მომზადება, ხელნაკეთი თოჯინების დამზადება – ამ ყველაფერში მშობლები ბავშვებთან ერთად მონაწილეობენ. ბავშვს ვალდორფის ბაღში არ აქვს შეგრძნება, რომ ბაღი და ოჯახი ორი სხვადასხვა, განსხვავებული და გახლეჩილი სამყაროა.

 ბაღის სამომავლო გეგმები ბათუმში

ბაღს მომავალში ექნება ქალაქიდან ოდნავ მოშორებით ეზოიანი და გამწვანებული საკუთარი შენობა, ეზო ბაღჩით, ბოსტნითა და შიგ მოყვანილი ეკოლოგიურად სუფთა პროდუქტით.

ბაღი, ბავშვი, ოჯახი – ვალდორფის პედაგოგიკისთვის ეს უწყვეტი ჯაჭვია, რომელიც უნდა გაძლიერდეს და მხოლოდ ამის შედეგად დადგეს საუკეთესო შედეგი.

ვალდორფის ახალი ბაღი ბათუმში ელის მშობლებს, რომლებიც საკუთარი შვილების დამოუკიდებელ ადამიანებად ჩამოყალიბებას მიიჩნევენ უმთავრეს მიზნად და გაცნობიერებული აქვთ, რომ თავისუფლად  აზროვნების უნარი ბავშვობიდანვე ყალიბდება.

ანა, ვალდორფის სკოლის კურსდამთავრებული: „მიჭირს თქმა, ვინ უფრო მეტი მასწავლა: მშობლებმა თუ ვალდორფის სკოლამ. აქ, პირველ რიგში, ცხოვრების დამოუკიდებლად წარმართვას გასწავლიან, სამყაროში საკუთარი თავის მნიშვნელობის გააზრებას, სხვათა პატივისცემას და უშიშარ დამოკიდებულებას სიახლეებისადმი“.

დაუკავშირდით ვალდორფის ბაღს: 591 93 93 40

სკამები და მაგიდები ხისაა, ასევე, ყველა სათამაშო ხისა და ცვილისგანაა დამზადებული.

სკამები და მაგიდები ხისაა, ასევე, ყველა სათამაშო ხისა და ცვილისგანაა დამზადებული.

 

გადაბეჭდვის წესი


ასევე: