ხულოში, სხალთის ეპარქიაში, ორი ეკლესია გაქურდეს. სხალთის ეპარქიის მიერ გავრცელებული ინფორმაციის მიხედვით, ყოვლადწმიდა ღვთისმშობლის ხარების და წმიდა ანდრიაპირველწოდებულის ტაძრებში ქურდი ფანჯრიდან გადავიდა.
ტაძრებიდან შესაწირი ყუთები წაიღეს.
შინაგან საქმეთა სამინისტროს ინფორმაციით, შეტყობინება ტაძრების გაქურდვის შესახებ პოლიციაში დღეს შევიდა. დაწყებულია გამოძიება სისხლის სამართლის კოდექსის 177-ე მუხლის შესაბამისად, რაც ქურდობას გულისხმობს. დაკავებული ამ დროისთვის არავინ არის.
მთავარ ფოტოზე: ხულოს ხარების სახელობის ეკლესია. წყარო: ვიკიპედია
