მუსიკოსთა პარკი შეკვეთილში [ფოტო]

„მუსიკოსთა პარკი“ ოზურგეთის სოფელ შეკვეთილში, საკონცერტო დარბაზ Black Sea Arena-ს გვერდით მდებარეობს. პარკში მოწყობილია სასეირნო ბილიკები, საპიკნიკე ადგილები, განთავსებულია მომღერლებისა და კომპოზიტორების სკულპტურები, ხეში გამოკვეთილი ფიგურები. მუსიკოსების სკულპტურებთან მიახლოებისას კი მათი სიმღერები და მუსიკა ისმის.

„მუსიკოსთა პარკი“ შეკვეთილში „ქართუ ჯგუფმა“ მოაწყო და ოზურგეთის მუნიციპალიტეტს ორი წლის წინ, 2016 წლის აგვისტოში გადასცა. პარკში რამდენიმე ქანდაკება იმავე წელს დააზიანეს. ქანდაკებების გარკვეული დეტალები პარკში დღესაც დაზიანებულია.

„ქართუ ჯგუფში“ აცხადებდნენ, რომ „სკულპტურები დამზადებულია ევროპაში ევროპელი სკულპტორების მიერ“.