დღეს, 22 აგვისტოს, დილით, დაახლოებით ცხრა საათზე, აეროპორტის გზატკეცილზე ავარია მოხდა. ერთმანეთს მუნიციპალური ავტობუსი და სატვირთო მანქანა შეეჯახა.
ავარიის შედეგად 9 ადამიანია დაშავებული.
სასწრაფო სამედიცინო სამსახურმა დაშავებულები შემთხვევის ადგილიდან საავადმყოფოებში გადაიყვანა. ექიმების ინფორმაციით, ერთ-ერთი მათგანის მდგომარეობა შედარებით მძიმეა, დანარჩენებს კი ძირითადად დაჟეჟილობები აღენიშნებათ.
დაშავებულები აჭარის ჯანდაცვის მინისტრმა, ზაალ მიქელაძემ მოინახულა.
აჭარის ჯანდაცვის სამინისტროს ინფორმაციით, დაშავებულთაგან ერთმა კლინიკა უკვე დატოვა. სხვა პაციენტების ჯანმრთელობის მდგომარეობა სტაბილურია.
დაშავებულთა შორის ერთი უცხო ქვეყნის მოქალაქეა.