მთავარი,რეკლამა,სიახლეები

კაპიტანთა კლუბი და მეზღვაურთა ქალაქის პრობლემები

31.07.2018 • 4262
კაპიტანთა კლუბი და მეზღვაურთა ქალაქის პრობლემები

კაპიტანთა კლუბი საზღვაო ქალაქისთვის  აუცილებელი ორგანიზაციაა. ამ ორგანიზაციას არა მხოლოდ სიმბოლური დატვირთვა აქვს. ასეთი ნებაყოფლობითი ორგანიზაციის წევრობა განსაკუთრებით გადამდგარი საზღვაო ოფიცრებისთვის ძალიან მნიშვნელოვანია. თუმცა კლუბში მოქმედი კაპიტნები და უფროსი მექანიკოსები უფრო მეტნი არიან.

ბათუმის კაპიტანთა კლუბი შორეული ნაოსნობის კაპიტნის, ტექნიკურ მეცნიერებათა დოქტორის, ბათუმის უმაღლესი საზღვაო საინჟინრო სასწავლებლის „ანრის“ დამფუძნებლისა და რექტორის, ანზორ დიასამიძის ინიციატივით შეიქმნა.

ორგანიზაციამ არსებობის მანძილზე ბევრი საზოგადოებრივი საქმე ითავა. უფრო მეტი, სამწუხაროდ, ბიუროკრატიული დაბრკოლებების გამო ჯერაც ვერ დასრულდა.

ფოტო გადაღებულია 2015 წელს. ხეივნის გაშენების დროს საქართველოს საზღვაოს სააგენტოს იმდროინდელმა ხელმძღვანელმა, მამაუკა ახალაძემ და ბათუმის უმაღლესი საზღვაო საინჟინრო სასწავლებლის ანრის დამფუძნებლისა და რექტორის ანზორ დიასამიძემ მიიღეს აქციაში მონაწილეობა

ფოტო გადაღებულია 2015 წელს. ხეივნის გაშენების დროს საზღვაო ტრანსპორტის სააგენტოს იმდროინდელმა დირექტორმა, მამუკა ახალაძემ და ბათუმის უმაღლესი საზღვაო საინჟინრო სასწავლებლის „ანრის“ რექტორმა, ანზორ დიასამიძემ  ხეების დარგვის აქციაში მიიღეს მონაწილეობა.

4  წლის წინ კაპიტანთა კლუბმა ბათუმის მერიასა და ბულვარის ადმინისტრაციას მიმართა, უფლება დაერთო, საზღვაო საინჟინრო სასწავლებლის წინ მდებარე ახალი ბულვარის ზოლში ხეივნის განაშენიანებაზე. ბულვარმა განაშენიანების გეგმა შეადგინა. მეზღვაურებმა გეგმის მიხედვით შეიძინეს მცენარეები და დეკორატორის ზედამხედველობით დარგეს გამოყოფილ ადგილას. აქციაში მონაწილეობა მიიღეს „ანრის“ სტუდენტებმა. ღონისძიებას ადგილობრივი ხელისუფლების წარმომადგენლები ესწრებოდნენ. აქცია ნაციონალურმა არხებმა და ბეჭდურმა მედიამ გააშუქა.

კლუბმა მიმართა მერიის სახლდების კომისიას თხოვნით, ამ ხეივნისთვის სიმბოლურად მეზღვაურთა ხეივანი ეწოდებინათ. მეზღვაურები კი ხეივნის კეთილმოწყობაში მატერიალურ და ფიზიკურ მონაწილეობას საკუთარ ვალდებულებად მიიჩნევდნენ. წლების განმავლობაში წერილებსა და მიმართვებს შედეგი არ მოჰყოლია. მეზღვაურთა მიერ გაშენებულ ხეივანს არც სახელი ეღირსა და შესაბამისად, კაპიტანთა კლუბიც მოკლებულია უფლებას, მეტი გაუკეთოს საკუთარ ქალაქს.

ასეთივე ბედი ეწია კლუბის ინიციატივას, სასწავლებლის წინ მდებარე უსახელო ქუჩას ღვაწლმოსილი კაპიტნის ოთარ ჩახვაძის სახელი მინიჭებოდა. აქვე უნდა აღინიშნოს, რომ ბათუმის უმაღლესი საზღვაო საინჟინრო სასწავლებლის „ანრის“ მატერიალური, ტექნიკური და ადამიანური რესურსით ამ ქუჩაზე ბევრი რამ გაკეთდა. მათ შორის, დაირგო მწვანე ნარგავები. სახელდების კომისიამ და საკრებულომ გადაწყვეტილება ვერც ამ საკითხზე გამოიტანეს. ამდენად, სასწავლებელი დღემდე კონკრეტული მისამართის გარეშე არსებობს და მისი მიგნება მხოლოდ ასე შეიძლება – შერიფ ხიმშიაშვილის  47-ის მიმდებარე ტერიტორია.

კაპიტანთა კლუბში გაერთიანებულ ადამიანებს კიდევ ბევრი საინტერესო ინიციატივა აქვთ. მათ აქვთ სურვილი და შესაძლებლობა, აქტიურად იყვნენ ჩაბმულნი საზოგადოებრივ საქმეში.

 

გადაბეჭდვის წესი


ასევე: