პირველ ივნისს, ბავშვთა დაცვის საერთაშორისო დღესთან დაკავშირებით, ბათუმის ახალგაზრდული ცენტრი, ბათუმის ცენტრალურ პარკში [უამნიდობის შემთხვევაში კი ბათუმის სახელმწიფო უნივერსიტეტის ფოიეში] მზრუნველობამოკლებული და სოციალური პრობლემების მქონე ბავშვების ნახატების გამოფენა-პერფორმანსს გამართავს. გამოფენაზე გამოტანილი იქნება ბათუმის საოჯახო ტიპის რამდენიმე სახლის ბავშვების ნახატები შექმნილი თემაზე, მათი საოცნებო ან/და ახლანდელი გარემო.
პერფორმანსის ფარგლებში, მზრუნველობამოკლებული ბავშვების ნახატები ნაჩვენები იქნება პროექტორის საშუალებით დიდ ეკრანზე და ნებისმიერ მოქალაქეს შესაძლებლობა ექნება, გახდეს ეკრანზე გაშუქებული ნახატის პერსონაჟი. პერფორმანსის სლოგანია #მეცაქვარ.
გამოფენა-პერფორმანსი გაიმართება 13:00 საათიდან 16:00 საათამდე.
აქტივობა ხორციელდება “ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის” [PITA] ფარგლებში, რომელსაც ახორციელებს საქართველოს გაეროს ასოციაცია (UNAG), ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით.
