2018 წლის 18 მაისს, 13:30 საათზე, აჭარის კულტურული მემკვიდრეობის დაცვის სააგენტოს ინიციატივითა და აჭარის განათლების, კულტურისა და სპორტის სამინისტროს მხარდაჭერით, მუზეუმების საერთაშორისო დღისადმი მიძღვნილი ღონისძიების ფარგლებში, გონიო-აფსაროსის მუზეუმ-ნაკრძალში ჩატარდება საგანმანათლებლო-შემეცნებითი პროექტი ,,მე ვარ გიდი’’.
პროექტში მონაწილეობას მიიღებენ ქ.ბათუმის, გონიოს, ახალსოფლის და სარფის საჯარო სკოლების მოსწავლეები. პროექტის ფარგლებში, მოსწავლეები ერთი დღით მოირგებენ გიდის ფუნქციას, უშუალოდ გაუწევენ გიდობას თავიანთ თანატოლებს და ისაუბრებენ გონიოს ციხის ისტორიაზე, არქეოლოგიასა და მუზეუმ-ნაკრძალში დაცულ ექსპონატებზე.
პროექტის მიზანია მოსწავლეებში სამუზეუმო ცნობიერების ამაღლება და პრაქტიკული უნარ-ჩვევების გამომუშავება.
