ბათუმში, ჭავჭავაძის ქუჩაზე, „პლაზასთან“, ტროტუარი რამდენიმე თვეა გადაკეტილია. „ბათუმელების“ ინფორმაციით, „პლაზას“ შენობის ქვეშ კერძო ავტოსადგომი კეთდება, ქვეითად მოსიარულეებს კი, ტროტუარიდან გზის სავალ ნაწილზე უწევთ გადასვლა. აქვეა ქალაქის ღია ავტოპარკინგი და განთავსებულია ნაგვის ურნები, რის გამოც გადაადგილება ჭირს.
ჩვენ დავუკავშირდით ბათუმის მერიას, სადაც განაცხადეს, რომ აღნიშნულ მონაკვეთში უახლოეს პერიოდში შეიცვლება ღია ავტოპარკინგი და მოეწყობა ტროტუარი. მერიის ინფორმაციით, სამუშაოები მერიის მიერ დაფინანსებული კეთილმოწყობის პროექტის ფარგლებში შესრულდება.