გუშინ, 19 აპრილს, ავტოავარიის შედეგად ქალი გარდაიცვალა – შემთხვევა ქობულეთში მოხდა. გარდაცვლილი ქალის ერთ-ერთი კოლეგის თქმით, მძღოლი ავარიის ადგილს შეუჩერებლად გაეცალა – დაზარალებული განსაცდელში მიატოვა. იგივე პირის თქმით, ავტომანქანა მაღალი სიჩქარით გადაადგილდებოდა.
„ბათუმელებმა“ შს სამინისტროში გადაამოწმა, დადგენილია თუ არა მძღოლის ვინაობა. უწყებაში გვითხრეს, რომ მძღოლი წუხელ საღამოს თავად გამოცხადდა პოლიციაშია. მძღოლი არ დაუკავებიათ.
„ვიდრე ექსპერტიზის პასუხი არ იქნება მას არ დააკავებენ“, – გვითხრეს სამინისტროში.
ფაქტს პოლიცია იძიებს.
ავტოსაგზაო შემთხვევის შედეგად გარდაცვლილი ქალი 47 წლის იყო.
