21 აპრილს ბათუმშ, მარათონი – THE GREAT BATUMI NIGHT RACE გაიმართება, რასთან დაკავშირებითაც 21 აპრილს ბათუმში,19:00 საათიდან ღონისძიების დასრულებამდე ავტოტრანსპორტის მოძრაობა ზოგიერთ ქუჩაზე აიკრძალება. შინაგან საქმეთა სამინისტრო იმ ქუჩების ჩამონათვალს აქვეყნებს, სადაც მოძრაობა დაშვებული არ იქნება:
- შერიფ ხიმშიაშვილის გამზირი;
- შოთა რუსთაველის გამზირი;
- გოგებაშვილის ქუჩა (საპორტო რკინიგზის ლიანდაგამდე);
- პორტის შესახვევი;
- ზვიად გამსახურდიას ქუჩა (პორტის შესახვევიდან მერაბ კოსტავას ქუჩის კვეთამდე);
- მერაბ კოსტავას ქუჩა (ზვიად გამსახურდიას ქუჩის კვეთიდან ბოლომდე);
- კონსტანტინე გამსახურდიას ქუჩა (მერაბ კოსტავას ქუჩიდან რევაზ კომახიძის ქუჩის კვეთამდე);
- რევაზ კომახიძის ქუჩა (კონსტანტინე გამსახურდიას ქუჩიდან ნიკოლოზ ბარათაშვილის ქუჩის კვეთამდე);
- ნიკოლოზ ბარათაშვილის ქუჩა (რევაზ კომახიძის ქუჩიდან ზურაბ გორგილაძის ქუჩის კვეთამდე);
- ზურაბ გორგილაძის ქუჩა (ნიკოლოზ ბარათაშვილის ქუჩიდან ვაჟა ფშაველას ქუჩის კვეთამდე);
- ვაჟა ფშაველას ქუჩა (ზურაბ გორგილაძის ქუჩიდან მემედ აბაშიძის გამზირის კვეთამდე);
- მემედ აბაშიძის გამზირი (ვაჟა ფშაველას ქუჩიდან კონსტანტინე გამსახურდიას ქუჩის კვეთამდე);
- კონსტანტინე გამსახურდიას ქუჩა ( მემედ აბაშიძის გამზირიდან რუსთაველის გამზირამდე) ;
- გმირთა ხეივანი (იუსტიციის სახლიდან ტბელ აბუსერიძის გზატკეცილამდე);
- ტბელ აბუსერიძის ქუჩა (შეიხის წრიულიდან აეროპორტის გზატკეცილამდე);
- აეროპორტის გზატკეცილი (ტბელ აბუსერიძის წრიულიდან აეროპორტის წრიულამდე);
- ახალი გზა (აეროპორტის წრიულიდან შერიფ ხიმშიაშვილის ქუჩამდე).
მარათონის მარშრუტი რუკაზე
________________
საერთაშორისო ნახევარმარათონის, Great Batumi Night Race-ის ფარგლებში ბათუმს 32 ქვეყნიდან 700-მდე სტუმარი ეწვევა.
ბათუმში ნახევარმარათონი წელს პირველად ტარდება. მონაწილეებს შორის იქნებიან მსოფლიო დონის სპორტსმენები, საერთაშორისო მარათონების მონაწილეები გერმანიიდან, ინგლისიდან, ესპანეთიდან და სხვადასხვა ევროპული ქვეყნიდან.
ბათუმის ღამის ნახევარმარათონი მხარს უჭერს საქველმოქმედო ფონდს – „ჩვენ განსხვავებულები ვართ“. მარათონიდან შემოსული თანხის ნაწილი მოხმარდება პროექტს „სარესურსო კლასი“, რომელიც მიზნად ისახავს ექსპერიმენტალური კლასის გახსნას აუტისტური სპექტრის მქონე ბავშვებისთვის.
ნახევარმარათონი (21,1 კმ) სასტუმრო „კოლიზეუმ მარინასთან“ შაბათს, 19:30 წუთზე აიღებს სტარტს. მხიარული გარბენი (10 კმ) კი – 19:10 წუთზე. რეგისტრაცია ფასიანია.
წაიკითხეთ მეტი ამ თემაზე:
https://batumelebi.netgazeti.ge/news/130649/
