ბათუმის სასწრაფო დახმარების სამსახურის ინფორმაციით, მე-7 საჯარო სკოლის ტერიტორიიდან დაჭრილი არასრულწლოვანი გადაიყვანეს. სასწრაფოს ინფორმაციით, მოზარდს ფეხის არეში აქვს ჭრილობა მიყენებული. სასწრაფოს ინფორმაციით, მოზარდი ამბობს რომ ის წაიქცა და არ დაუჭრიათ.
როგორც „ბათუმელებს“ შსს-ში განუცხადეს, გამოძიება სსკ-ის 118-ე მუხლით მიმდინარეობს, რაც სხეულის განზრახ დაზიანებას გულისხმობს. „დადგენილია სავარაუდო დამნაშავე, ისიც არასრულწლოვანია“.
დაჭრილი მოზარდი ბავშვთა საავადმყოფოშია გადაყვანილი. შემთხვევა დღეს ორ აპრილს, დაახლოებით ორი საათის წინ მოხდა.
სკოლებში მოზარდთა უსაფრთხოებასთან დაკავშირებით საუბრობს თავის ანგარიშში სახალხო დამცველი, სადაც ის წერს, რომ სახალხო დამცველის არაერთი რეკომენდაციის მიუხედავად, სკოლებს არა აქვთ ძალადობის დაძლევის ერთიანი პოლიტიკა.
ამასთან, არასაკმარისია ძალადობის მსხვერპლ ბავშვთა ფსიქოსოციალური რეაბილიტაციის სერვისები.
„სკოლებში მოსწავლეთა ძალადობისგან დაცვის, უსაფრთხოებისა და კეთილდღეობის უზრუნველყოფისათვის აუცილებელია სახელმწიფო პოლიტიკისა და შესაბამისი კანონმდებლობის, ამასთან, ამ სფეროში მოქმედი შიდა მექანიზმების არსებითი გაძლიერებ“-წერის ანგარიშში.
