ნეტგაზეთი • RU

„სამეფო კარის თამაშების”ფანები ახალმა პოსტერმა გამოაცოცხლა

HBO-ს პოპულარული სერიალის, „სამეფო კარის თამაშების” ბოლო, მერვე სეზონი 2019 წელს გამოვა. ფანების უმეტესობა მიიჩნევს, რომ ერთწლიანი წყვეტა ძალიან დიდი ინტერვალია ბოლო სეზონამდე, რომელსაც მთელ მსოფლიოში სულმოუთქმელად ელოდებიან.

„სამეფო კარის თამაშების” მაყურებლებისთვის სერიალის სიუჟეტური ხაზის მოულოდნელი და ზოგჯერ შოკისმომგვრელი განვითარება უცხო არ არის, ბოლო სეზონისგან ტრადიციულ „ჰეფი ენდს” არავინ ელის წინა სეზონებში მომხდარი ამბების გათვალისწინებით. ცოტა ხნის წინ „ფეისბუქში”  ფანების მიერ შექმნილი პოსტერი გავრცელდა, პოსტერზე ფილმის ერთ-ერთი მთავარი გმირის, არია სტარკის წინ დაჩოქილი სერსეი ლანისტერი დგას, არია ხანჯლითაა შეიარაღებული და თითქოს ეს-ესაა სერსეი უნდა მოკლას.

„ფეისბუქზე” ატვირთული პოსტერის ქვეშ უამრავი ფანის კომენტარია. ზოგიერთის აზრით მომავალი სეზონის სიუჟეტი მარტივად გამოსაცნობი იქნება, ზოგიერთიც მიიჩნევს, რომ  შეუძლებელია ყველაფერი ჩაგრული სტარკების სრული გამარჯვებით დასრულდეს. ვარაუდი მრავალგვარია, თუმცა ჯერ არავინ იცის, ერთი წლის შემდეგ სინამდვილეში რას უმზადებენ  სერიალის მაყურებლებს  სცენარისტები.

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com