ქობულეთში, სოფელ ბობოყვათის გზაზე, მჟავანაძეების ოჯახი გაქურდეს. სახლში შესასვლელად ქურდმა სახლზე ცენტრალური კარი ჩამოხსნა. ოჯახი ჩამოხსნილ კარს ახლა უკვე სხვა დანიშნულებით იყენებს – ეს კარი ეზოს ღობის ნაწილია. უსაფრთხოების მიზნით კი, სახლს უფრო მძიმე რკინის კარი შეაბეს.
ოჯახის წევრების თქმით, სახლის გაქურდვის დროს ზრდასრულებს და ბავშვებს ეძინათ, შესაბამისად, კარის ჩამოხსნის თუ უცხო პირის სახლში შეღწევის ხმა არავის გაუგია. მათივე თქმით, ქურდმა მხოლოდ მობილური ტელეფონის წაღება მოახერხა.
ახალი კარი. ფოტო გურამ მურვანიძის
შინაგან საქმეთა სამინისტროს ინფორმაციით, ეს საქმე უკვე გახსნილია. ქურდობის მუხლით დაკავებულია ერთი პირი და იგი სისხლის სამართლებრივ პასუხისგებაშია მიცემული.
დაზარალებულ ოჯახს მობილური ტელეფონი დაუბრუნეს.
შემთხვევა დაახლოებით ორი თვის წინ მოხდა.
სახლზე ჩამოხსნილი კარი. ფოტო: გურამ მურვანიძე
მთავარი ფოტო: მჟავანაძეების სახლზე ჩამოხსნილი კარები
