Batumelebi | იაპონელი ჟურნალისტები ხანდაზმულ ადამიანებზე საქართველოში დოკუმენტურ ფილმს იღებენ იაპონელი ჟურნალისტები ხანდაზმულ ადამიანებზე საქართველოში დოკუმენტურ ფილმს იღებენ – Batumelebi
RU | GE  

იაპონელი ჟურნალისტები ხანდაზმულ ადამიანებზე საქართველოში დოკუმენტურ ფილმს იღებენ

 

 აჭარაში ტოკიოს ტელევიზიის გადამღები ჯგუფი იმყოფება. ისინი საქართველოში მცხოვრები ხანდაზმული ადამიანების შესახებ ერთსაათიან დოკუმენტურ ფილმს იღებენ.   „ტოკიო TV“- ის ჟურნალისტებმა ქობულეთის მუნიციპალიტეტში მცხოვრები  111 წლის ემინე ანთაძესთან (სოფ. კოხი) და  105 წლის თინა ხახუტაიშვილთან (სოფ. აჭყვისთავი) ინტერვიუები ჩაწერეს. ისინი ასოციაცია „ღირსეული სიბერის“  ბენეფიციარები არიან.  

 

111 წლის ემინე ანთაძე იაპონელ ჟურნალისტებთან/ფოტო. ასოციაცია „ღორსეული სიბერე“

 

„ჟურნალისტი რიე სუბუკი და ოპერატორი ტოშიფუნ ნაგანუმა გადაღებების მსვლელობისას აღფრთოვანებას ვერ ფარავდნენ დღეგრძელი ადამიანების სიცოცხლისუნარიანობის, საღი აზროვნებისა და  მხედველობის გამო,“ – ამბობს  ასოციაციაციის ხელმძღვანელი ნანა კალანდაძე. 

 

მისი თქმით, იაპონელი ჟურნალისტები მეორედ იმყოფებიან აჭარაში.  „იაპონიაში ხანდაზმულებს განსაკუთრებულ პატივს სცემენ. აინტერესებთ, როგორ ცხოვრობენ ას წელს გადაცილებული ადამიანები, ქობულეთის მუნიციპალიტეტში კი ასეთი ადამიანები ყველაზე მეტია“. 

 

ნანა კალანდაძის თქმით, იაპონელი ჟურნალისტები საქართველოში სააგენტო „საკურას“ ხელშეწყობით იმყოფებიან. „იაპონელი ჟურნალისტები აჭარაში ერთი კვირა დარჩებიან. როგორც გვითხრეს, დოკუმენტურ ფილმს ერთ თვეში გააკეთებენ და ელექტრონულად მოგვაწვდიან“. 

 

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე