სიახლეები

ბათუმში შენობა ჩამოინგრა

04.10.2015 • 2393
ბათუმში შენობა ჩამოინგრა

შემთხვევა 4 ოქტომბერს, დაახლოებით 03:00 საათზე მოხდა.

ბათუმის მერიის არქიტექტურისა და ურბანული დაგეგმარების სამსახურის უფროსმა ირაკლი ახალაძემ „ბათუმელბს“ უთხრა, რომ ობიექტზე მშენებლობა არ მიმდინარეობდა.

„ეს იყო ძველი მიტოვებული ობიექტი, რომელიც თავისით ჩამოიშალა. 2013 წელს ამ შენობაზე შეთანხმდა მანსარდის მშენებლობის პროექტი. 2014 წელს კი გაიცა მანსარდის დაშენების ნებართვა მსუბუქი კონსტრუქციით, მაგრამ ეს მანსარდი არ დაშენებულა. მშენებლობა არც დაწყებულა. ის ძველი დაინგრა რომელიც 10 წელზე მეტია აშენებდა დამკვეთი და ეტყობა არ იყო დაცული“.

შინაგან საქმეთა სამინისტროს პრესსამსახურის ცნობით, შსს მომხდარს სისხლის სამართლის კოდექსის 240-ე მუხლით – სამთო, სამშენებლო ან სხვა სამუშაოს წარმოებისას უსაფრთხოების წესის დარღვევით იძიებს, რაც ისჯება ჯარიმით ან გამასწორებელი სამუშაო ვადით ორ წლამდე ანდა თავისუფლების აღკვეთით ვადით ორ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

ბათუმში, ზ. გორგილაძის #10-ში შენობა ჩამოინგრა

გადაბეჭდვის წესი


ასევე: